Aýdandyq polısııa bóliminiń aǵa tergeýshisi Ivan Shevchenko da otbasymen keshki serýenge shyqan beti edi. Kenet áıeldiń jan daýsy shyqqan aıqaıy estildi. Ivan munyń jaı emes ekenin bildi de, áıeldiń daýysy shyqqan jaqqa júgire jóneldi. Kózdi ashyp-jumǵansha jetip kelgende, kishkentaı qyz bala talyqsyp demala almaı jatyr eken. Anasy onyń kámpıtke túıilgenin aıtyp úlgerdi. Ivan shuǵyl alǵashqy kómek kórsetpese, sanaýly mınýttar sýdaı aǵyp ketetinin sezdi. Ol saspaı balany anasynyń qolynan aldy da, óziniń tizesine etpetinen jatqyzyp, jaýyryny tusynan jaılap qaǵa bastaǵanda-aq, kámpıt balanyń aýzynan atyp tústi. Tynysy keńip sala bergen bala aıqaılap jylap jiberdi, anasy qýanyshtan qosyla jylady.
Polıseı kóshedegi bir mashınany toqtatty da, ana men balany otyrǵyzyp, aýrýhanaǵa jiberdi.
– Meniń ózimniń balam da kishkentaıynda dál osylaı túıilip, záremizdi alǵany bar. Balama ózim janushyryp, alǵashqy kómek kórsetip, áýpirimmen aman alyp qalǵan edim. Sonda túıilgen balaǵa alǵashqy kómek berý kerek bolady eken degen oı kelip, óz betimshe oqyp alǵan edim, – deıdi polıseı Ivan Shevchenko.
Polıseıge balanyń ata-anasy alǵysyn aıtty.
Qostanaı oblysy,
Qarabalyq aýdany
