Aımaqtar • 07 Shilde, 2019

Mańǵystaýda Ulttyq Dombyra kúnine arnalǵan sharalar jalǵasýda

264 retkórsetildi

QR Tuńǵysh Prezıdenti N.Nazarbaevtyń 2018 jylǵy 12 shildedegi №699 Jarlyǵymen belgilengen jańa mereke «Ulttyq Dombyra kúnin» merekeleýge baılanysty Qazaqstan halqy Assambleıasy «Ulttyń saz baıraǵy – Dombyra» aksııasyn ótkizýdi jalǵastyrýda.

QHA aksııasy ejelgi dástúr – ár úıde dombyra bolýyn, onyń ata-babalardyń san ǵasyrlar boıǵy tarıhy men mádenıetiniń saqtalýyna járdemdesip, ulttyq kodty urpaqtan-urpaqqa jetkizip kele jatqan nyshany retinde ár úıdiń tórinde turýyn jańǵyrtýdy kózdeıdi.

7-shilde kúni saǵat 10:00-de Mańǵystaý oblysy «Ana men bala» ortalyǵynda «Qazaqstan halqy Assambleıasynan 7 qasıetti dombyra syıǵa» baıqaýy aıasynda «Erekshe esim», «Dombyrashy ana», «Ulttyq Dombyra kúni birinshi dúnıege kelgen sábı» nomınasııalary boıynsha analar men sábıler marapattalyp, olarǵa qurmet kórsetildi, ıaǵnı Aqtaý qalalyq perzenthanasynda joǵaryda atalǵan nomınasııalar boıynsha analar men sábıler marapattaldy.

Bul sharaǵa Mańǵystaý oblysy etnomádenı birlestik ókilderi, atap aıtqanda «ALA-TOO» qyrǵyz etnomádenı birlestigi, «Dostlýg» ázirbaıjan etnomádenı birlestigi, «Sakartvelo» grýzın etnomádenı birlestigi, «Analar keńesi», RJQ «Jańǵyrý joly» óńirlik shtaby múshesi Chıgın Artem erekshe úles qosýda. Ulty basqa bolsa da, qazaqtyń ulttyq aspaby – dombyrany dáripteý arqyly qoǵamda ulttyq mádenıetti saqtaý jáne jańǵyrtý ıdeıasyn nasıhattaýda.

Mańǵystaý oblysy boıynsha Ulttyq Dombyra kúnine arnalǵan vıdeo-quttyqtaýlar, «Qoǵamdyq kelisim» KMM Ulttyq Dombyra kúnine arnaǵan vıdeolar resmı saıt pen áleýmettik jelilerge salyndy.

Mańǵystaý oblysy

                         

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar