«Qalaısha toıdy búgin bastamaımyn
Tórinde qutty meken Qostanaıdyń!
Iyqta shen men shekpen aýysqanmen
Qolymnan dombyramdy tastamaımyn» dep bastaǵan arnaý jyrynda Erlan Bolatuly merekemen jınalǵan qaýymdy quttyqtady. Dombyranyń babadan qalǵan muramyz, halqymyzdyń qasıeti ekenin aıta kelip arnaýyn:
«Kúı kernep, Tobyl-Torǵaı saı-salasyn,
Arqanyń ár qyryna án tarasyn.
Tórinde ár úıimniń dombyra oınap,
Qazaǵym, dýman-toıyń tarqamasyn!» dep aıaqtady.
Merekede aýdandar men qalalardan kelgen ánshiler ánnen shashý shashty. Tobyl jaǵasyndaǵy kórikti saıabaq merekeniń sánin kirgize túskendeı. Ánshiler ánnen shashý shashty.
«Ulttyq dombyra kúni merekesine biz keń aýqymda daıyndaldyq. О́tken jyly tek merekelik baǵdarlama daıyndasaq, bıyl baǵdarlamamen qatar ár túrli atalymmen baıqaý jarııaladyq. Onyń ishinde oblys aýdandary men qalalarynan kelgen dástúrli ánshiler baıqaýyn ótkizip, olardy marapattadyq. Merekeniń basty maqsaty dombyrany, dombyra arqyly babadan qalǵan rýhanı muralardy nasıhattaý bolyp tabylady. Múmkindiginshe ulttyq mádenıetti dáriptedik» dedi Oblystyq mádenıet basqarmasynyń basshysy Erlan Qalmaqov.
«Ulttyq dombyra kúni merekesiniń belgilengenine óte qýanyshtymyn. О́tken jyly da osynda merekege qatysyp, án men kúıge qulaq quryshymyz qanǵan edi. Bıyl taǵy da kelip otyrmyn. Dombyradan tógilgen kúı adamdardyń rýhyn kóteredi. Bul ulttyq qundylyqtardyń jańǵyrýyna, jastar tárbıesine oń yqpal etedi» deıdi merekege kelgen qala turǵyny Meńzada Sámembet.
Merekege I.Omarov atyndaǵy oblystyq qazaq drama teatrynyń ártisteri de kórinis qoıyp atsalysty.
