Sharaǵa Oral qalasynda turatyn belgili dombyrashy, qazaq kúı óneriniń altyn qoryna birneshe shyǵarmany jetkizip, jazyp qaldyrǵan О́tegen Jumashev, ardager kúıshi, dombyrashy Ulmeken Batyrova, «Qurmet» ordeniniń ıegeri, Qazaqstannyń eńbek sińirgen mádenıet qyzmetkeri, dáýlesker kúıshi Ermek Qazıev, kúıshi-dombyrashy, ári dombyra jasaýshy sheber Edige Nábıev sekildi belgili óner tulǵalary qatysty. Merekege qatysýshylar «Naǵyz qazaq – qazaq emes, Naǵyz qazaq – dombyra!» degen qanatty sózdiń avtory, aqyn Qadyr Myrza Álıdiń eskertkishine gúl shoǵyn qoıdy.
Ulttyq dombyra kúni merekesine oraı bul kúni batysqazaqstandyq ardager dombyrashylar Ulmeken Batyrova, Tólegen Qaıyrǵalıev, Jaǵypar О́tehaev, Naýryz Batyrov, dombyrashy ustazdar Asqar Qusaıynov, Nurjan Sertekov, Gúlnár Nyǵmetova, Halel Saparov, Gúlbar Shýaqbaeva, Mereke Tuıaqov, Erbol Ǵubaıdýllın, Nursulý Baqtygereeva, Ermak Moldabekov, Asylhan Qazıev, Ańsar Berdiǵalıev, Jeńis О́teýov, Serik Jaqybalıev, ardager qobyzshy Mereke Haıyrova, Svetlana Qarıeva, Qalııa Muzafarova, qobyzshy, Ǵarıfolla Qurmanǵalıev atyndaǵy Batys Qazaqstan oblystyq fılarmonııasynyń artısi Jámılá Nurymbetova, Jalpaqtal saz mektebiniń sybyzǵyshy ustazy Halıolla Naǵıev Qazaqstan Kúıshiler odaǵy tóraǵasynyń Rústem Nurkenovtiń qoly qoıylǵan Qurmet gramotasymen jáne Alǵys hatymen marapattaldy. «Kúıshiler Odaǵy» BQO fılıalynyń tóraǵasy Asqar Kenjeǵalıev О́tegen Jumashev, Ulmeken Batyrova jáne Ermek Qazıev Qazaqstan Kúıshiler odaǵyna «qurmetti múshe» bolyp qabyldanǵanyn jarııalap, arnaıy kýálik tabys etti. Ardagerlerge erekshe qurmet kórsetilip, ıyǵyna shapan jabyldy. Aıta keteıik, dál osyndaı qurmet osydan birneshe kún buryn jeke konsertin ótkizgen kúıshi-dombyrashy Edige Nábıev aǵamyzǵa da kórsetilgen bolatyn.
Búgingi kúnniń basty jańalyǵy – Qadyr ortalyǵynan derbes Kúı bólmesi ashylýy boldy. Onyń lentasyn Batys Qazaqstan oblystyq mádenıet basqarmasynyń basshysy Qadyrbolat Musaǵalıev pen kúıshi Ermek Qazıev qıdy. Qalı Jantileýovtiń týǵan jıeni, dombyrashy Tólegen Qaıyrǵalıuly «Kúıshiler bólmesinen» bolashaqta Qurmanǵazy, Seıtek, Dına, Dáýletkereı sekildi dáýlesker kúıshiler shyǵýyn Alladan tilep, aq batasyn berse, Ulmeken anamyz shashý shashty.
- Qadyr ortalyǵynyń jetekshisi Baýyrjan Halıollanyń qoldaýymen berilgen bólmemizdi barynsha mazmundy bezendirýge tyrystyq. «Aıdar» sharýa qojalyǵynyń jetekshisi Aıdar Ǵafýuly demeýshi bolyp, dombyra men qazaq kúı óneriniń tarıhyna, jergilikti kúıshilik mektepterdiń sabaqtastyǵyna arnalǵan birneshe kórnekilik taqta jasadyq. Oraldyq dombyra jasaýshy sheberlerdiń aǵa býyny sanalatyn Baqytkereı Súleımenov, Edige Nábıev, Sansyzbaı Ahmetov, Asylan Serikbaevtardyń ónerin nasıhattaýǵa da kóńil bóldik. Degenmen, búgingi eń basty jańalyq – Kúı bólmesinde ornatylǵan «elektrondy dombyra» boldy. Batys Qazaqstan oblystyq balalar tehnıkalyq shyǵarmashylyǵy ortalyǵynyń «Robottyq tehnıka» úıirmesiniń jetekshisi Mars Maqsot jasaǵan bul dombyranyń ereksheligi – sheginen shertip qalsańyz, kúı tógile jóneledi. Sharaǵa qatysqan halyqtyń bári osy elektrondy dombyraǵa qatty qyzyqty, ózge óńirlerden de tapsyrys túsip jatyr, - deıdi Asqar Kenjeǵalıev.
Aq Jaıyq óńirinde biraz jyldan beri dombyra, kúı ónerin damytý, tarıhı tulǵalardy dáripteý jolynda qyzmet etip, belgili ónerpaz Muhıt Aıtqalıev haqynda kitap shyǵarǵan Asqar Kenjeǵalıev elimizde Ulttyq dombyra kúni merekesi paıda bolǵanyna erekshe rıza. «Qazaq kúıshileri respýblıkalyq deńgeıde qoldaýǵa zárý» degen Asqar Muhambetqalıuly ardager kúıshilerdi qoldaý, sábılerge balabaqshadan bastap dombyra álippesin úıretý sekildi naqty usynystaryn aıtyp otyr.
- Elimizde «Qazaqstannyń halyq kúıshisi» degen qurmetti ataq taǵaıyndalýy tıis. Bul ataqqa ıe bolǵan ónerpazdarymyzǵa elimizdiń ár jerinde jylyna keminde tórt márte jeke konsertin ótkizýge jaǵdaı jasalýy tıis. Men bul usynysty respýblıkalyq kúıshiler odaǵynyń tóraǵasy Rústem Nurkenovke jetkizdim, - deıdi fılıal tóraǵasy.
Ulttyq dombyra kúni ashylǵan Kúı bólmesinde dombyra úıretý mektebi jumys isteıdi. Sondaı-aq munda dombyra, kúı tarıhyna, kúıshilerdiń ómiri men shyǵarmashylyǵyna arnalǵan tárbıe saǵattary, tanymdyq keshter uıymdastyrylmaq.
