Aımaqtar • 09 Shilde, 2019

Sýburqaqta balyqtar júr

464 ret

kórsetildi

1 mın

oqý úshin

S.Toraıǵyrov atyndaǵy memlekettik ýnıversıtettiń aldyndaǵy sýburqaqqa móńke balyqtardyń alǵashqy legi jiberildi.

Farıda BYQAI

Tuqy tuqymdasyna jatatyn móńkelerdiń uzyndyǵy 45-sm bolsa, salmaǵy 2 kılo tartady. Toǵandarda ósiriletin kópshilikke belgili balyq.

Endi jaz boıy olardy kútip-baptaýmen osy oqý ornynyń oqytýshysy professor, bıolog Aleksandr Ýbaskınniń jetekshiligindegi bıologııa jáne ekologııa kafedrasynyń mamandary aınalysady.

Ýnıversıtet aýmaǵy jaz aılarynda Open Air rejiminde jumys isteıdi. Qala turǵyndary, qyzyqtap keletin balalar, qonaqtar úshin sýburqaq alańy demalys ornyna aınalýda. Bul stýdentter, sondaı-aq oqýǵa túsýge kelgen mektep túlekteri úshin de qyzyqty bolmaq.

Balyqtardyń ekinshi legi sýburqaqqa túsetin kún de alys emes.

Aýmaqta jel, kún energııalaryn alý úshin arnaıy alańdar jasalǵan. Sonyń arqasynda stýdentter energııanyń balamaly túrin alý joldarymen is júzinde tanysýda.

Qazir «Aqyldy qalalar» qatary kóbeıýde. Neshe túrli ınnovasııalyq jańalyqtardy estısiz. Mysaly, elordamyzdaǵy túrli balyqtarǵa toly Okeanarıým Gınnestiń rekordtar kitabyna engen.

Qurǵaq sýburqaq ta erekshe. Atqylap alyp, qaıta joǵalyp ketetin sýburqaq eriksiz qyzyqtyrady. Neshe túrli áýendi sý burqaqtar da bar.

Atalmysh istiń basy-qasynda júrgen ǵalym Aleksandr Ýbaskın – popýlıasııalyq ekologııa, bıoártúrlilik jáne ıhtıologııa boıynsha 150-ge jýyq ǵylymı eńbektiń avtory. Bul jumystar is júzinde úlken tájirıbelik qoldanysqa ıe boldy, al jańashyl ıdeıalary biregeı ǵylymı aınalymǵa engizildi.