Ýnıversıtet bıylǵy jyly Ranjırleý nátıjeleri boıynsha 2019 jyly SDÝ «Esepteý tehnıkasy jáne baǵdarlamalyq qamtamasyz etý» mamandyǵy boıynsha UAAR reıtıngisinde el boıynsha 1-oryndy ıelenedi. Osy reıtıngte JOO «Pedagogıkalyq matematıka» mamandyǵy boıynsha 1-oryn jáne «Ǵylymı matematıka» mamandyǵy boıynsha 2-oryn alady. Tehnıkalyq mamandyqtardan basqa Bilim berý sapasyn qamtamasyz etý jónindegi táýelsiz agenttiktiń reıtıngisinde «Aýdarma isi» mamandyǵy 2-oryndy ıelendi. El boıynsha TOP-3 quramyna «Fılologııa», «Shet tili», «Menedjment», «Aqparattyq júıeler», «Esep jáne aýdıt», «Tarıh» mamandyqtary kirdi. Ýnıversıtetke qabyldaý bakalavrıat, magıstratýra jáne doktorantýra baǵdarlamalaryna júrgiziledi.
Qabyldaý komıssııasynyń sarapshylary talapkerlerge qujattardy tapsyrý jáne qabyldaý prosedýrasynyń qyr-syryn túsinýge kómektesedi. Bıyl talapkerler óz saýalnamalyq málimetterin úıden shyqpaı-aq, onlaın rejıminde toltyra alady. Olar ýnıversıtetke qujattardy salystyrý úshin jáne kelisim-shartqa qol qoıý úshin ǵana kelýi múmkin. Buryn bul prosess óte kóp ýaqyt pen kúsh talap etetin, sebebi orta eseppen saýalnamalyq derekterdi toltyrýǵa talapkerge 20-30 mınýttan ketti, keıde olar kezekte birneshe saǵattan kútýge týra keletin. Eger talapkerlerdiń úıde saýalnama toltyrý múmkindigi bolmasa, onda olar muny ýnıversıtette jasaı alady. Ol úshin JOO-da birqatar kompıýterlik synyptar jabdyqtalǵan. Bul prosess talapkerler men olardyń ata-analary úshin kútý ýaqytyn qysqartýǵa múmkindik beredi. Bıyl qabyldaý naýqanynyń erekshelikteri men ózgeristeri óte kóp, degen pikirde oqý ornynyń sarapshylary.
- Bıylǵy jyldyń negizgi ereksheligi: talapker úreısiz jáne kúızelissiz ótpeli ball (50 ball, pedagogıkalyq mamandyqtar úshin-60 ball) UBT-ny jyl boıy 4 ret tapsyra alady: qańtar, naýryz, maýsym jáne tamyz aılarynda. Bul rette ol UBT árbir tapsyrý kezinde beıindik pánderdi aýystyrýǵa múmkindigi bar. Aıtalyq, qańtar aıynda oqýshy bir mamandyqty tańdap, «Matematıka-Geografııa» beıindik pánderin tapsyrdy, biraq tamyz aıyna qaraı basqa mamandyqty tańdap, beıindik pán retinde «Dúnıejúzi tarıhy Shet tili» pánin tapsyrýdy sheshedi. Aıta ketý kerek, memlekettik bilim granttary konkýrsyna UBT sertıfıkatymen qatysýǵa bolady, - dep atap ótti qabyldaý komıssııasynyń bas sarapshysy, SDÝ Bıznes Mektebi professory assıstenti Dınara Sársenova.
Aıǵanym METERBAI
ALMATY
