О́skinder Nur-Sultan qalasynyń ásem kelbetin tas jol betine keıiptep, Otanǵa degen alǵaýsyz sezimderin perishte kóńilden shyqqan perızat órnekteri arqyly jetkizdi. «Báıterek», «Hanshatyr» sekildi aıshyqty oryndardy qulpyrta beınelep, óz qııaldaryndaǵy astananyń sulý kelbetiniń sýretin saldy. Bóbekter án men jyrdan shashý shashyp jıylǵandar nazaryna arnaıy konserttik baǵdarlamalaryn da usyndy.
«Elimizdiń jarqyn bolashaǵy osy baldyrǵandar. Olardyń qııalynda shek joq. Búgingi sharaǵa 200-den astam tárbıelenýshi qatysty. Sharanyń maqsaty baldyrǵandardyń boıyndaǵy Otanǵa degen patrıottyq sezimderin qalyptastyrý. El astanasy Nur-Sultan qalasyn búginde búkil álem tanydy. Bir qýantarlyǵy, balalar bul kúnge erekshe daıyndalyp, asyǵa kútti»,– deıdi balabaqsha meńgerýshisi Raıhan Moldaǵojına.
«Týǵan kúnińmen bas qala» dep atalǵan merekelik shara aıasynda kórme uıymdastyryldy. Shaǵyn ekspozısııaǵa balalardyń qolynan órilgen ásem buıymdar men sýretter qoıylǵan.
ALMATY
