Senator kezdesý barysynda órt sóndirý salasynyń jańa tehnıkasymen jáne órt sóndirý bóliminiń jabdyqtalýymen tanysyp, órt sóndirýshiler jáne qutqarýshylarmen pikir almasty. Ishki ister mınıstriniń orynbasary Iý.V.Ilın eldi mekenderdiń aýmaqtaryn, strategııalyq, asa mańyzdy memlekettik nysandardy jáne memlekettik menshiktegi tirshilikti qamtamasyz etý nysandaryn kúzetý men órtti sóndirýdi qamtamasyz etetin, avarııalyq-qutqarý jumystaryn júrgizetin órt qyzmetiniń is-qımyly týraly habardar etti. Nysandardyń zilzalaǵa turaqtylyǵyn kúsheıtý, órt sóndirý depolarynyń qurylysy men jóndeý, kúre joldardaǵy medısınalyq-qutqarý beketterin ustaý, órt sóndirýshiler men qutqarýshylardyń eńbekaqysynyń tómendigi týraly ózekti máselelerdi atap ótti.
M. Qul-Muhammed órt qaýipsizdigi, áleýmettik nysandardy saqtandyrý, halyqty tótenshe jaǵdaı kezinde jedel áreket etýge úıretý, ónerkásip qaýipsizdigi jaǵdaıyndaǵy talaptardy qataıtý máselelerin qozǵady.
Komıtet tóraǵasy sondaı-aq 5573 áskerı bóliminiń jeke quramymen kezdesip, onyń materıaldyq-tehnıkalyq jabdyqtalýymen, áskerı qyzmetshilerdiń ómir súrý jáne turmys jaǵdaıymen tanysty, áskerı qyzmetshilerdiń kıim-keshegi men kıim úlgisin kórdi.
Ulttyq ulan Bas qolbasshysynyń orynbasary S.Nurahmetov № 5573 áskerı bólimi Nur-Sultan qalasyndaǵy qoǵamdyq qaýipsizdik pen quqyq tártibin qamtamasyz etýge arnalǵanyn atap ótti. Biryńǵaı úlgidegi áskerı qalashyqtyń ınfraqurylymy jeke quramnyń jaýyngerlik ázirligin joǵary deńgeıde ustaýǵa múmkindik beredi, tehnıkalyq qyzmet kórsetý jáne jóndeý pýnktterimen jabdyqtalǵan avtomobıl parki, sport kesheni, qazirgi zamanǵy mýltımedııalyq atys tıri, oqý qalashyqtary men lazareti bar.
Senator Muhtar Qul-Muhammed «Qazaqstan Respýblıkasynyń Ulttyq ulany týraly» zańdy júzege asyrýdyń, áskerı qyzmetshilerdi áleýmettik jáne materıaldyq-tehnıkalyq qamtamasyz etýdiń ózekti máselelerin qozǵady. Ulttyq ulannyń basshylyǵy Ulttyq ulannyń shyǵystaryn qarjylandyrý kólemin tıisinshe ulǵaıtý, áskerı qyzmetshilerge nysandy kıim-keshek, qarý-jaraq, arnaıy quraldar men qajetti jabdyqtardy satyp alýǵa qosymsha qarajat bólý qajettigin atap ótti.
