«Jaǵdaıdy eskere kele órt sóndiretin 4 ýchaske belgilendi. Bárinen buryn shatyrdyń ózgeshe jobalanýy birshama qıyndyq týǵyzdy, onymen birge jyldamdyǵy 13 m/s bolatyn jel de órtti sóndirýge aıtarlyqtaı kedergi jasady. Jalyn 21:56-da aýyzdyqtalyp, 23:02-de sóndirildi. Tilsiz jaý 600 sharshy metr aýmaqty sharpydy. Oqıǵa saldarynan úıdiń shatyry ishinara órtenip ketti, sondaı-aq keshenniń mansard qabatynda ornalasqan 4 páter búlindi» delingen habarlamada.
Zardap shekkender joq. Qyzyl jalynnyń úıdiń basqa aýmaqtaryna tarap ketýine jol berilmedi. О́rtti aýyzdyqtaýǵa elordalyq tótenshe jaǵdaı departamentiniń 67 qyzmetkeri men 13 tehnıkasy jumyldyryldy. Oqıǵa ornynda 3 adamnan turatyn Apattyq medısına ortalyǵy brıgadasy, polısııadan 8 adam men 3 tehnıka jáne jedel járdem brıgadasy jumys istedi.
