Indýstrııa jáne ınfraqurylymdyq damý mınıstrliginiń málimetterinshe, 4 myńnan astam qurylysshy men 186 birlik arnaıy tehnıka qazirgi tańda taǵy 2725 jeke turǵyn úı qurylysy men KPTÚ nysanyn qalpyna keltirýde. Kún saıyn qalpyna keletin úılerdiń sany 70-90-ǵa kóbeıdi. 9 shildedegi jaǵdaı boıynsha qurylys brıgadalary 2640 turǵyn úıdi, al bir kún buryn 2566 turǵyn úıdi jóndeý jumystarymen qamtydy.
Esterińizge sala keteıik, Arys 17 sektorǵa bólinip, ár óńir men respýblıkalyq mańyzy bar qalaǵa bekitilgen. 2019 jylǵy 6 shildede Premer-Mınıstrdiń orynbasary Jeńis Qasymbek, IIDM vıse-mınıstri Qaıyrbek О́skenbaev pen Túrkistan oblysynyń ákimi О́mirzaq Shókeev ákimdikterdiń ókilderimen keńes ótkizip, jaýapty tulǵalardy qalany qalpyna keltirý qarqynyn jedeldetýdi surady.
Barlyq búlingen jáne buzylǵan nysandar 2019 jyldyń 1 tamyzyna deıin tapsyrylýy tıis. QR IIDM vıse-mınıstri Qaıyrbek О́skenbaevtyń aıtýynsha, úılerdiń monıtorıngi men qurylys barysyn baqylaý kún saıyn júrgiziledi.
