Qýańshylyq zardaby qanshalyqty óteldi?
Seısenbi, 5 aqpan 2013 7:14
Siz ne deısiz?
Byltyr óńirde jaz shyǵysymen ańyzaq aptap uryp, bir tamshy jańbyr jaýmady. Bul erte kóktemde úkili úmitpen egis salǵan dıqan qaýymy egininiń kúıip ketýine soqtyrdy. Egin alqaptaryn saqtandyrǵan sharýalar qýańshylyqtyń zardabyna ótem jasala ma, joq pa dep kúni keshege deıin alań kóńil kúı keshti. Qýańshylyqtyń shyǵyny qanshalyqty óteldi? Sharýalardyń shyǵyny tolyq qoldaryna tıdi me?
Seısenbi, 5 aqpan 2013 7:14
Siz ne deısiz?
Byltyr óńirde jaz shyǵysymen ańyzaq aptap uryp, bir tamshy jańbyr jaýmady. Bul erte kóktemde úkili úmitpen egis salǵan dıqan qaýymy egininiń kúıip ketýine soqtyrdy. Egin alqaptaryn saqtandyrǵan sharýalar qýańshylyqtyń zardabyna ótem jasala ma, joq pa dep kúni keshege deıin alań kóńil kúı keshti. Qýańshylyqtyń shyǵyny qanshalyqty óteldi? Sharýalardyń shyǵyny tolyq qoldaryna tıdi me?
«Egemen Qazaqstan» gazetiniń Aqtóbe oblysy boıynsha menshikti tilshisi Satybaldy Sáýirbaı «Aqtóbe Polıs» ózara saqtandyrý qoǵamy» óndiristik kooperatıviniń dırektory Qýanysh Nurshınge:
– Siz buǵan ne deısiz?
– Shyny kerek, eginshiler ótken jylǵy jazǵa úlken úmit artyp edi. Alaıda, úmit aqtalmady. Tabıǵat tosyn minez tanytty. «Jaý jaǵadan alǵanda, ıt etekten» degendeı, oblys aýmaǵynda shegirtke «sherýi» de bolyp ótti. Osyndaı tabıǵat apattarynyń saldarynan oblysta 332,0 myń gektar alqaptyń egini jınaýǵa kelmegendikten, esepten shyǵaryldy. Mundaı jaǵdaı segiz aýdannyń egis alqaptaryna tán, olarda eginniń 35-80 paıyzyna deıin jaramsyz bolyp qaldy.
2010 jyly da qýańshylyq bolǵan-dy. Ol kezde saqtandyrý qoǵamynyń nesıelik portfelinde nebári 70 mıllıon teńge ǵana bar edi. Al egini jınaýǵa kelmeıtin 300,0 myń gektar alqap esepten shyǵaryldy. Oblysta tótenshe jaǵdaı jarııalanyp, sol kezdegi oblys ákimi Eleýsin Saǵyndyqov qarjylaı qoldaý kórsetip, 830,0 mıllıon teńge bereshekti óteýge kómektesken bolatyn.
Mine, joǵaryda aıtyp ótkenimdeı, 2012 jyly da sondaı jaǵdaıǵa ushyradyq. Bıyl saqtandyrýshylardyń tólemderinen 74 mıllıon teńge ǵana jınaldy. Onyń 42,0 mıllıon teńgesi ózara esep aıyrysý arqyly jabyldy, al, 32,0 mıllıon teńgesi saqtandyrýshylarǵa bereshekke tólendi. Biz óz kúshimizben eginderin saqtandyrǵan sharýashylyq qurylymdarymen esep aıyrysa almaıtyn edik. Sebebi, bizdiń qarjylyq jaǵdaıymyz kótermeıdi. Sońǵy jyldardaǵy qýańshylyq eńsemizdi tikteýge múmkindik bermeýde. Oblys ákimi Arhımed Muhambetov jaǵdaıdy túsinip, demeýshilerdiń esebinen 140 mıllıon teńge bólýge yqpal etti. 2013 jylǵy 10 qańtarǵa 2012 jyl úshin 320,0 mıllıon teńge ótem jasaldy. Sondaı-aq, 2010-2011 jyldarǵy bereshekke 23,1 mıllıon teńge tólendi. Sonda sharýalarǵa barlyǵy 343,1 mıllıon teńge ótem jasaldy. О́tem qarjylaryn alǵan sharýalar aldaǵy kóktemgi egiske daıyndyqqa kirisip te ketti.
Aqtóbe oblysy.
