Delegasııa «KAMAZ» kompanııasynyń Bas dırektory Sergeı Kogogınmen birge avtomobıl zaýytynyń qurastyrý konveıerlerine, sondaı-aq «KAMAZ» kompanııasynyń Ǵylymı-tehnıkalyq ortalyǵyndaǵy avtomobıl tehnıkasynyń kórmesine bardy, kompanııa basshylyǵymen ekijaqty kelissózder júrgizdi.
Oblys ákimi Arhımed Muhambetov Ekaterınbýrg qalasynda ótken «INNOPROM» halyqaralyq kórmesine qatysty. Bul kórme – Reseıdiń eń mańyzdy ındýstrıaldyq, saýda jáne eksporttyq alańy bolyp tabylady. Ol bıyl onynshy ret ótkizilip otyr. Bul alańǵa álemniń túrli elderiniń ókilderi, óndiriste jańa ónimder men tehnologııalardy engizý týraly sheshim qabyldaıtyn ónerkásip kásiporyndarynan aıtýly mamandar.keledi. Oblys ákimi Arhımed Muhambetov is-shara barysynda Qazaqstannyń atynan jasaqtalǵan stendtiń ashylý rásimine qatysty.
Sapar barysynda oblys basshysy birqatar kásiporyn basshylarymen kezdesýler ótkizdi, óndiristik kásiporyndarda, ofısterde jáne basqa da nysandarda boldy, kópshilikti tamaqtandyrýdy uıymdastyrý boıynsha Reseı kóshbasshylarynyń biri bolyp tabylatyn «Keıterınbýrg» kompanııasynda bolǵanyn atap ótken jón.
Sonymen qatar, oblys basshylyǵy Sverdlov oblysy gýbernatorynyń orynbasary O.L. Chemezovpen ekijaqty kezdesýler ótkizdi, onyń barysynda saýda-ekonomıkalyq yntymaqtastyq máseleleri talqylandy, ınvestısııalyq jobalardy iske asyrýmen qosa, birlesken jumystyń belgili bir qorytyndysy jasaldy, bolashaqqa perspektıvalyq josparlar belgilendi.
Qostanaı
