«Elimizde 2020 jyldan bastap medısınalyq kómek eki túrli paket boıynsha kórsetile bastaıdy. Birinshisi – kepildendirilgen tegin medısınalyq kómek (TMKKK) paketi. Barlyq azamattar paıdalana alatyn kepildendirilgen tegin medısınalyq kómek paketine jedel járdem men sanıtarlyq avıasııa, shuǵyl stasıonarlyq kómek, pallıatıvtik kómek engen. Sonymen qatar, áleýmettik mańyzy bar aýrýlar men sozylmaly aýrýlardyń negizgi túrlerimen aýyratyn turǵyndar osy paket sheńberinde konsýltatıvtik-dıagnostıkalyq kómekpen, josparly stasıonarlyq jáne stasıonardy almastyratyn kómekpen qamtamasyz etiledi. Ambýlatorııa deńgeıinde dári-dármekpen qamtamasyz etý, týberkýlezge shaldyqqandardy ońaltý qyzmeti de osy paketke kiredi. Al, ekinshisi – MÁMS paketi. Bul paketke konsýltatıvtik-dıagnostıkalyq kómek, sonyń ishinde baǵasy qymbat bolyp keletin zerthanalyq qyzmet túrlerin, TMKKK engizilmegen syrqattardy dári-dármekpen qamtamasyz etý, TMKKK paketine jatpaıtyn jaǵdaılarda josparly stasıonarlyq jáne stasınardy almastyratyn kómekpen qamtý, medısınalyq ońaltý jáne pasıent densaýlyǵyn qalpyna keltirýge baǵyttalǵan em-dom túrlerin qamtymaq», – dedi A. Beısenbaev.
Bıyl Túrkistan qalalyq ortalyq aýrýhanasy joǵary tehnologııalyq medısınalyq kómek kórsetýge saqadaı saı.
Aıta keteıik, 2020-2022 jyldarǵa arnalǵan bıýdjet jobasynda 2020 jyly medısınalyq kómekke jumsalatyn qarjy 1 trln 620 mlrd teńge dep belgilengen. Bul bıylǵy shyǵyndardan 67 paıyzǵa kóp. Atalǵan qarjynyń 967,7 mlrd. teńgesi tegin medısınalyq kómekke, 652,8 mlrd. teńgesi – saqtandyrý paketi boıynsha kórsetiletin qyzmetterge jumsalady.
