Parlament Senatynyń depýtaty Rysqalı Ábdikerov jumys saparymen Qaraǵandy oblysynyń Ulytaý aýdanynda boldy. Senator sapar barysynda aýdan aktıvimen kezdesip, Prezıdent Qasym-Jomart Toqaevtyń saıasatynyń basym baǵyttaryn túsindirdi jáne aýdandyq jumyspen qamtý ortalyǵynyń jumys josparymen tanysty.
Senator aýyl turǵyndarmen áńgime barysynda tómen paıyzben beriletin aýyl sharýashylyǵyna arnalǵan nesıelerdi tıimdi paıdalaný, az qamtamasyz etilgen otbasylarǵa memlekettik kómek kórsetý máselelerine egjeı-tegjeıli toqtaldy. Senat depýtaty turǵyndardyń suraqtaryna jaýap bere kelip aýdandaǵy ózekti máselelerdiń sheshimin tabýǵa atsalysatynyn jáne tıisti depýtattyq saýaldar jiberiletinin jetkizdi.
R.Ábdikerov sapar barysynda «Han Ordasy» tarıhı ornyn aralady jáne «Kókmaısa» demalys ornynyń jumysymen tanysty. Senator sondaı-aq kóp balaly ana Symbat Esmaǵanbetova men aqsaqal Takana Shynbergenovtiń otbasynda boldy.
