Atalǵan bastama kóne shaharda elorda kúnine oraı ary qaraı jalǵasyn taýyp, tarazdyq turǵyndardy «Tórtkúl» keshenine taǵy da shaqyrdy. «Rýhanı jańǵyrý» baǵdarlamasy aıasynda munda «Qazaq aýyly» etnojobasy qurylyp, kóne Taraz dástúrin, kóshpendilerdiń biregeı, jarqyn jáne aıqyn mádenıetin, ótken tarıhyn jańǵyrtý maqsatynda kópshilikke tereń maǵlumattar berdi. Ulttyq-mádenı keshende qala turǵyndary men qonaqtary qazaq halqynyń baı tarıhymen, mádenıetimen, ónerimen jáne salt-dástúrimen tanysty. Keshende kez kelgen adam kóshpendiler órkenıetiniń etnomádenı ortasyn sezinip, aýyldyń kúndelikti jáne merekelik ómirine kóz júgirte alady.
Sonymen qatar etnoaýylda qazaq mýzykalyq jáne teatr óneriniń festıvaldary, qolóner sheberleriniń sheberlik synyptary, ulttyq taǵamdar, qolóner jáne kórkemóner kórmeleri, etnostyq mýzykalyq festıvaldar, ulttyq sport túrlerinen de jarystar ótti. Jıynǵa Jambyl oblystyq týrızm basqarmasynyń jáne «Taraz-Týrızm» týrıstik aqparattyq ortalyǵynyń qyzmetkerleri, oblystyń qolónershileri men «Asyl arman» ulttyq dástúrdi qoldaý mekemesiniń mamandary da qatysty. Munda mektep oqýshylary da jazǵy lager ýaqytynda ortaǵasyrlyq kóne orynmen tanysty.
