Aımaqtar • 12 Shilde, 2019

B. Saǵyntaev Almatynyń Kásipkerler qoǵamdastyǵymen ShOB damytýdyń ózekti problemalaryn talqylady

173 retkórsetildi

Almaty ákimi Baqytjan Saǵyntaev QR «Atameken» Ulttyq kásipkerler palatasynyń ókilderimen jáne qala bıznesmenderimen keńes ótkizdi. Onyń barysynda shaǵyn jáne orta bızneske qoldaý kórsetý mehanızmderi men damytý jóninde naqtyly jáne ashyq áńgime órbidi.

Bazarlardy modernızasııalaý, týrıstik potensıaldy tıimdi paıdalaný, Almatynyń geoaqparattyq kartasyn jetildirý, IT salasy men sıfrlandyrýdy damytý taqyryptary keńinen sóz boldy. Sonymen qatar, stansıonardan tys saýda núktelerin qurý arqyly kóshe saýdasyn yntalandyrýdyń sharalary qaraldy.

Megapolıs ákimi Almatynyń bıznes pen ekonomıkanyń servıstik qurylymy bar jeke kapıtal qalasy ekenin atap ótti. Ekonomıkadaǵy memlekettiń úlesi 2,4%-dan aspaıdy, al shaǵyn jáne orta bıznestiń úlesi 39,5%-dy quraıdy, bul munaıǵa táýeldi emes turaqty ekonomıka.

Damýdyń «Qarapaıym zattar ekonomıkasy» baǵdarlamasy bastaldy, úkimet tarapynan halyq tutynatyn taýarlar shyǵarý, shıkizat pen ónimderdi alǵash óńdeý qoldaý tabatyn bolady. Kásipkerler 7 jyl merzimge jyldyq mólsherlemesi 8% bolatyn jeńildetilgen nesıelerdi ala bastady. Buǵan memleket tarapynan 600 mıllıard teńge bólindi.

Memleketpen aradaǵy is-qımyldyń barlyq prosedýralary jeńildetildi. Almatyda bıznesti «qaǵazsyz» júrgizýge, ınternet arqyly kásip ashýǵa, esep-faktýralardy toltyrýǵa, bank operasııalaryn júrgizýge, salyq esebin tapsyrýǵa, qurylys salýǵa ruqsat alýǵa, eskız jobasyn jáne elektr jelisine qosylý úshin kelisim jasaýǵa ábden bolady.

Bir tereze prınsıpi boıynsha qalada «Investısııa úıi» ashylǵan, munda kásipkerlerge servıstik qoldaý kórsetiledi. 2015 jyldan bastap kóshelerdi rekonstrýksııalaý boıynsha aýqymdy jumystar júrýde, qazir bul jerler týrıster, turǵyndar men bıznesmender úshin tartymdy oryndarǵa aınalǵan.

Keńeste «Atameken» Ulttyq kásipkerler palatasy basqarmasynyń tóraǵasy Abylaı Myrzahmetov sóz alyp, Almatynyń qarjy ortalyǵy jáne qarjynyń qoljetimdiligi jaǵynan jetekshi ekenin atap ótti. Mysaly, «Damýdyń jol kartasy-2020» baǵdarlamasy boıynsha sýbsıdııa alǵan jobalardyń jalpy sanynyń 7 %-y Almatyǵa tıesili.

Aǵymdaǵy ister týraly qala kásipkerler palatasynyń dırektory Narıman Ábilshaıyqov aıtyp ótti.

Almatynyń kásipkerler qoǵamdastyǵynyń ókilderi túrli salalarda qalanyń bıznes-ahýalyn odan ári jetildirý boıynsha ózderiniń oılaryn ortaǵa saldy, olar: «Meat Product Service» JShS bas dırektory Baqytjan Ábdirásilov, «Alina group» JShS dırektory Erlik Balfanbaev, «EFKO-Almaty» JShS dırektory Nurjan Qojamuratov, IDC óńirlik dırektory Andreı Beklemıshev, Qazaqstan kásipkerleri forýmynyń atqarýshy dırektory Mýnavara Paltasheva, «Tornado Plus» JShS dırektory Igor Prosenko, «Tanmedia group» dırektorlar keńesiniń tóraǵasy Armanjan Baıtasov jáne basqalary. Bazarlardy modernızasııalaý, týrızmdi damytý, MJS mehanızmderi, elektrondy saýda sýbektileri úshin salyq preferensııasy boıynsha burynnan bar máseleler men olardy sheshý joldary keńinen sóz boldy.

Almaty elimizdiń qarjy ortalyǵy retinde qarjynyń qoljetimdiligi jaǵynan jetekshi orynda. Mysaly,«Damýdyń jol kartasy-2020» baǵdarlamasy boıynsha sýbsıdııa alǵan jobalardyń jalpy sanynyń 7 %-y Almatyǵa tıesili. Jalpy ShOB sany 4,3%-ǵa, óńdeý ónerkásibi kólemi 7,8%-ǵa, bólshek saýda aınalymy 5,3%-ǵa, kóterme saýda aınalymy 3,5%-ǵa ósken. Qazirgi kezde Almatyǵa kóterme saýdanyń 46%, bólshek saýdanyń 32%, elimizdiń syrtqy saýda aınalymynyń 20%, QR JIО́ 20% tıesili.





ALMATY



Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar