Mádenıet jáne sport mınıstri Aqtoty Raıymqulova mundaı sport saıysy elimizde tuńǵysh ret ótip jatqanyn aıtady.
«Bul chempıonat Tokıodaǵy 2020 jyly ótetin paralımıada oıyndaryna joldama taratatyn aqtyq saıys bolmaq. Mundaı birinshilik elimizde alǵash ret ótip otyr. Oǵan álemniń 76 elinen úmitkerler qatysady. Bizdiń elde múmkindigi shekteýli jandardyń sportpen aınalysýyna barynsha jaǵdaı jasalyp jatyr. Nur-Sultan qalasynda Elbasy Nursultan Nazarbaevtyń qatysýymen tuńǵysh Paraalımpıadalyq jattyǵý ortalyǵy ashylǵan bolatyn. Jazǵy jáne qysqy paralımpıadalyq sport túrlerinen sporttyq rezervtegi ulttyq quramanyń músheleri syndarly saıystarǵa osy ortalyqta daıyndalyp júr. Jalpy elimizde para paýerlıftıngpen 600-den astam adam aınalysady», - dedi mınıstr chempıonattyń ashylý saltanatyna oraı ótken baspasóz-konferensııasynda.
Qazaqstan quramasy árbir salmaq sanatynda baq synaıdy. Ulttyq qurama sapynda 2017 jylǵy Rıo-de-Janeırodaǵy Paralımpıada oıyndarynyń kúmis júldegeri Raýshan Qoıshybaeva, sondaı-aq Indonezııadaǵy 2018 Azıalyq oıyndarynyń jeńimpazdary Davıd Degtıarev, Rahmedjan Hamaev, Alına Solodýhına jáne Gúlban Abdykalyqova óner kórsetedi.
