Áskerı keńes músheleri alǵashqy jartyjyldyqtaǵy jaýyngerlik qyzmetti qorytyndylaý, óńirlik qolbasshylyqtar men áskerı bólimderdegi zańdylyqtyń saqtalýy jáne quqyqtyq tártip áskerin tylmen qamtamasyz etý máselelerin qarastyrdy.
Otyrys barysynda Ishki ister mınıstri polısııa general-leıtenanty Erlan Turǵymbaev Ulttyq ulan jeke quramyna júkteletin mindetterdiń mańyzdylyǵy artyp jatqanyn atap ótti. Sonymen qatar áskerdiń jeke quramymen jumys júrgizý, kadrlardy kásibı turǵyda daıarlaý júıesin úzdiksiz jetildirip otyrýdyń qajettiligine toqtaldy.
Áskerı keńes músheleri aldynda Ulttyq ulan Bas qolbasshysy, general-leıtenant Rýslan Jaqsylyqov pen «Ońtústik» óńirlik qolbasshylyǵynyń qolbasshysy, general-maıor Talapker Ámrıev baıandama jasap, Arys qalasy turǵyndarynyń qaýipsizdigin qamtamasyz etýge, apat saldaryn joıýǵa jáne qala ishinde zańdylyqtyń saqtalýyn qadaǵalaýǵa belsendi qatysqan áskerı qyzmetshilerdiń áreketin atap ótti.
Quqyq qorǵaý vedomstvosynyń basshysy Erlan Turǵymbaev jıyndy qorytyndylaı kele, óńirlik qolbasshylyqtarǵa áskerı bólimderdiń tótenshe jaǵdaılar kezindegi jaýyngerlik daıyndyǵy men qabiletin arttyrýdy mindettedi.
Otyrys sońynda Ishki ister mınıstriniń buıryǵymen qyzmettik mindetterin adal atqarǵany, sondaı-aq, Arys qalasynda qoǵamdyq tártipti qamtamasyz etýge jáne turǵyndardy qaýipsiz aımaqtarǵa shyǵarýǵa, qalany zalalsyzdandyrýǵa belsene qatysqany úshin Ulttyq ulannyń birqatar áskerı qyzmetshisin gramotalarmen, tósbelgilermen jáne medaldarmen marapattady.
