Qazylar alqasyn bastap kelgen «Dımash-Alı» prodıýserlik ortalyǵynyń jetekshisi Qanat Aıtbaev aımaq basshysyna sheteldik qonaqtardy tanystyryp, festıvaldiń joǵary deńgeıde uıymdastyrylýyna zor qoldaý kórsetkeni úshin alǵysyn bildirdi.
Bıylǵy baıqaýda qazylar alqasy quramynyń geografııasy keńeıgen. Atap ótsek, Tbılısıden kelgen grýzınniń tanymal jas ánshisi Tsnobiladze Nini, Reseı Federasııasynyń eńbek sińirgen ártisi, kompozıtory jáne ánshisi Ezerov Vladımır Edýardovıch, H-faktor (Ýkraına) jobasynyń jeńimpazy, Eýrovıdenıe baıqaýynyń Ulttyq irikteý fınalısi, biregeı daýys ıesi Aıda Nıkolaıchýk, Qazaqstan Respýblıkasynyń eńbek sińirgen ánshisi, kompozıtor, mádenıet qyzmetkeri Joldasov Ulyqpan, A.Jubanov atynlaǵy mýzykalyq kolledjdiń oqytýshysy, tanymal kompozıtor, ánshi Áıtimov Marat Oljabaıuly, BATYSSOUND PRODUCTION stýdııasynyń dırektory jáne án árleýshisi, Dımashtyń kóptegen ánine saýndtrek jazǵan Bekchýrın Erlan kezdesý barysynda oblys ákimine jyly qabyldaǵany úshin alǵystaryn bildirdi.
- Búgingi tańda «Baqytty bala» festıval-baıqaýy oblys kóleminde ǵana emes, halyqaralyq dárejege kóterilgen izgi sharaǵa aınaldy. Elimizde ónerli jandar óte kóp. О́ziniń zor talantymen, erekshe daýsymen álemdi moıyndatqan jerlesimiz Dımash Qudaıbergendi ózderińiz de jaqsy bilesizder. Oblysymyzda jaqsy dástúrge aınalǵan baıqaýǵa atsalysyp, búldirshinderdiń ónerin baǵalap jatqandaryńyz úshin aqtóbelikterdiń atynan shyn júrekten alǵys bildiremin. Aldaǵy ýaqytta da osy baıqaýdyń aıasyn keńeıtip, naǵyz talanttardy álemge tanytatyn bolamyz», - dedi oblys basshysy qonaqtarǵa óz alǵysyn bildirip.
Kezdesý sońynda aımaq basshysy sheteldik qonaqtarǵa 150 jyldyq mereıtoıǵa arnalǵan kádesyılar tabystap, qazylar alqasymen estelik sýretke tústi.
