Saıasat • 15 Shilde, 2019

Áleýmettik saıasat túsindirilýde

128 retkórsetildi

Parlament depýtattarynyń aımaqtarda saılaýshylarmen kezdesýlerinde Memleket basshysy Qasym-Jomart Toqaevtyń áleýmettik sala boıynsha tapsyrmalary keńinen túsindirilýde, dep habarlady Parlament Senaty jáne Májilisiniń baspasóz qyzmeti.

Senat depýtaty Rysqalı Ábdikerov Sátbaev qalasynda bolyp, áleýmettik mańyzy bar birqatar nysandardy aralady. Senator qalanyń ónerkásip aımaǵynda ornalasqan qus fabrıkasynyń jumysyn kórip,  kásiporynnyń eńbek ujymymen kezdesti.

Sondaı-aq jergilikti polısııa basqarmasynda quqyq qorǵaý organdarynyń qyzmetkerlerimen kezdesti. Basqosýda memleket saıasatynyń mańyzdy baǵyttaryn túsindire kelip óńirdegi eldi mekenderdiń qaýipsizdigin kúsheıtýdiń mańyzdylyǵyna nazar aýdardy.

* * *

Senattyń Áleýmettik-mádenı damý jáne ǵylym komıtetiniń múshesi Dınar Nóketaeva Almaty qalasyndaǵy jumys sapary aıasynda balalardy saýyqtyrý salasyndaǵy birqatar ortalyqtarda boldy.

D.Nóketaeva «Sálem» saýyqtyrý lageri bolǵan kezde elimizdiń túkpir-túkpirinen kelgen balalarmen áńgimelesip, ár balanyń jaǵdaıyna nazar aýdardy jáne olardyń lagerdegi jaǵdaıdy jaqsartý jónindegi tilek-nıetterin surady. Depýtat saýyqtyrý ortalyqtaryndaǵy balalardyń jazǵy demalysyn uıymdastyrý jóninde birneshe eskertýler aıtyp, olardy qysqa merzimde túzetý qajettigin jetkizdi.

* * *

Senat depýtattary Jeńis Nurǵalıev pen Serik Bekturǵanov Qostanaı oblystyq máslıhatynyń depýtattarymen kezdesti jáne máslıhattyń kezekten tys sessııasyna qatysty.

Sessııa barysyndaǵy kezdesýlerde óńirdiń áleýmettik-ekonomıkalyq damý keleshegi, turǵyndardyń ál-aýqaty, jergilikti depýtattardyń jumysyna qarqyn berý máseleleri talqylandy. Depýtattar, sondaı-aq turǵyndardy 2019-2021 jyldarǵa arnalǵan bıýdjetke keıingi ózgerister týraly habardar etti.

* * *

Məjilis depýtattary Gleb Shegelskıı, Baqtyqoja Izmuhambetov, Olga Shıshıgına, Abaı Tasbolatov, Quralaı Qaraken jáne Danııa Espaeva Aqtóbe oblysynda eki jyl buryn iske qosylǵan Qazaqstan munaı jabdyqtary zaýytynyń jumysymen tanysty.

Bul – úlken kólemdegi ınvestısııa tartylǵan joǵary tehnologııalyq óndiris. Zaýyt Qytaı Halyq Respýblıkasymen aradaǵy óndiristik qarym-qatynastyń jaqsarýyna, sondaı-aq munaı óndirýge ózindik ıgi yqpalyn tıgizedi dep kútilýde. О́ıtkeni buryn shegendeý qubyrlary men munaı jabdyqtary negizinen Japonııadan, Qytaıdan, Reseıden alynyp kelgen.

* * *

Májilis depýtattary Muhtar Erman, Pavel Kazansev jáne Snejanna Imasheva Nur-Sultan qalasyndaǵy qurylys materıaldaryn shyǵaratyn zaýyt «Ekoton+» AQ-na bardy.

Bul nysan 2004 jyly iske qosylǵan. Qazirgi ýaqytta kompanııa jobalyq qýaty 200 myń tekshe metr bolatyn Astana jáne Aqtóbe qalalaryndaǵy eki zaýytta gazdalǵan beton óndirýmen aınalysady. О́ndiristiń jalpy qýaty jylyna shamamen 400 myń tekshe metrdi quraıdy.             

Kásiporynnyń eńbek ujymymen kezdesýi barysynda depýtattarǵa jumysshylar ózderin tolǵandyrǵan birqatar suraq qoıdy. Atap aıtqanda, jol qurylysy, elektr energııasyn tutyný úshin túngi tarıfti qaıtarý jáne ıpotekalyq qaryzdardy qaıta qurylymdaý sııaqty máseleler qozǵaldy.

Depýtattar atalǵan máselelerdiń muqııat zerttelip, nazarlaryna alatynyn jetkizdi.

* * *

Májilis depýtaty Nurtaı Sabılıanov Shyǵys Qazaqstan oblysynda saılaýshylarmen kezdesýler ótkizýde.

Depýtat Jarma aýdanynyń Kóshek, Qalbataý, Qapaı batyr, Besterek, Arshaly aýyldaryna jáne Shar qalasyna, Aıagóz aýdanynyń Maltúgel, Tarbaǵataı, Aqtúbek, Aqshı, Qaraǵash, Qarajal, Aqshataý, Mamyrsý aýyldaryna jáne Aıagóz qalasyna bardy.

Onda depýtat turǵyndarǵa Memleket basshysynyń ádil áleýmettik saıasatty belsendi jalǵastyrý týraly tapsyrmasynyń, memlekettik jáne úkimettik baǵdarlamalardyń júzege asyrylý barysy týraly, Parlament Májilisiniń VI shaqyrylymnyń tórtinshi sessııasyndaǵy Parlament depýtattarynyń zań shyǵarý qyzmetiniń nátıjesi jóninde aıtty.

Shyǵys Qazaqstan oblysynyń turǵyndary óz kezeginde aýyldyq eldi mekenderdi ortalyqtandyrylǵan sýmen jabdyqtaý, avtojoldardy jóndeý qajettiligi, memlekettik ataýly áleýmettik kómek, zeınetkerlik jasty tómendetý, shaǵyn jınaqty mektepter, agroónerkásiptik keshendi damytý, aýyldyq eldi mekenderge ınternet, uıaly baılanys ótkizý jáne basqa da máselelerdi kóterdi.

* * *

Májilis depýtattary, Qazaqstan halqy Assambleıasy depýtattyq toby jáne Halyq Kommýnıster fraksııasynyń músheleri aımaqtardaǵy saılaýshylarmen kezdesýde.

Qostanaı oblysynda Májilis depýtattary Magerram Magerramov pen Narıne Mıkaelıan Qostanaı oblystyq sotynyń jáne polısııa bóliminiń qyzmetkerlerimen kezdesip, oblys ortalyǵyndaǵy QHA-nyń Dostyq úıinde boldy.

Depýtattar azamattardy qabyldaý kezinde Qostanaı qalasynyń turǵyndary qoıǵan kóptegen suraqqa jaýap berip, birqatar máseleni memlekettik organdarǵa joldady.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar