Rýhanııat • 15 Shilde, 2019

Hat qorjyn (15.07.2019)

4708 retkórsetildi

...úlgi etedi

 Kitaphana jańa júıege kóshti

Qazirgi tańda toqtalatyn mańyzdy máselelerdiń biri – kitaphana bazasynda «Elektrondyq kitaphana» qurý. Elektrondyq kitaphana – oqyrmandarǵa qyzmet kórsetý barysynda jan-jaqty múmkindikter jıyntyǵyn qoldaný aıasyn keńeıtedi. Oqyrmandarǵa kitaphana qyzmetin kórsetýdiń dástúrli túrine qaraǵanda elektrondyq júıege negizdelgen qyzmet túrlerine degen qajettilik artyp otyr. Osy qajettilikti eskere otyryp, S.Báıishev atyndaǵy oblystyq ámbebap ǵylymı kitaphana tolyqtaı «Web – Rabıs» aqparattyq júıesine kóshti. Osyǵan oraı «Web – Rabıs baǵdarlamasy: kitaphanalyq avtomattandyrylǵan qyzmet kórsetý» atty semınar-trenıng ótti. Sharanyń negizgi maqsaty – oblystyq, aýdandyq jáne qalalyq kitaphana qyzmetkerlerine ádistemelik kómek kórsetý jáne oqytý. Sondaı-aq zaman talabyna saı avtomattandyrylǵan kitaphana júıesine túsindirý jumystaryn júrgizý jáne kitaphanashy men oqyrman arasyndaǵy saýatty baılanys ornatý.

Kitaphana isin avtomattandyrý, qaǵaz túrindegi dástúrli aqpa­rattyq qorlardy elektrondy túrge kóshirý, elektrondy katalogtar, bıblıografııalyq derek qorlar jasaqtaý, ınternet jelisiniń kómegimen aqparat almasý kitaphanalardyń basty mindeti. Qoǵamnyń ıntellektýaldy básekege qabilettiligin jetildirý men elimizdiń mádenı jáne aqparattyq tutastyǵyn qamtamasyz etýde kitaphana rólin nyǵaıtý, bilim deńgeıi, áleýmettik jaǵdaıy, turǵylyqty jerine qaramastan Qazaqstannyń árbir azamatyna álemdik aqparattyq resýrstar, demokratııalyq múmkindikterine qamtamasyz etý mańyzdy.

 

Aıbaný JUMABAEVA,

 S.Báıishev atyndaǵy Aqtóbe oblystyq ámbebap

ǵylymı kitaphanasynyń qyzmetkeri

 

...ýáj aıtady

Baqýatty tirligin baǵalasa...

Uly Otan soǵysymen tuspa-tus kelgen bizdiń balalyq shaǵymyz qıyn kezeńde ótti. Otty jyldardyń jańǵyryǵy áli kúnge deıin jadymnan óshken emes. Jetimdiktiń, joqshylyqtyń dámin tatyp óstik. Ákem Ábilǵazy 1942 jyly Lenıngrad maıdanynda qaza ta­ýyp, anam 25 jasynda jesir qaldy. Ákem qaza bolǵanda men nebári úsh jasta ekenmin. Anam Ajar otty jyldardyń qasiretin tartsa da, bizdi qanattyǵa qaqtyrmaı, tumsyqtyǵa shoqyttyrmaı ósirdi. Sol aıaýly anamnyń aq sútin aqtaı aldym ba dep keıde ishteı oılanamyn.

Sondaı qysyltaıań ýaqytta meniń bilimimdi jalǵastyrýyma múmkindigim bolmaǵany ras. Alaıda, boıymda oqýǵa degen erekshe qushtarlyq boldy. Sol daǵdy búgingi kúnge deıin saqtalyp qaldy.

Zeınetke shyqqan soń da elmen birge bolyp, qoǵamdyq jumystardan shet qalmadym. Jastarǵa jón siltep, ónege aıtý aǵa býynnyń asyl paryzy emes pe? Aýdandyq ardagerler uıymynyń tóraǵasy retinde maǵan taǵy bir jaýapty mindet júkteldi. О́mirde kórgeni kóp, kókeıge túıgeni mol adamdar óskeleń urpaqty tárbıeleýge úles qossa, nesi aıyp? Qazir men aýdanda medıator bolyp jumys isteımin. 300-den astam isti qaraýǵa atsalystym. Sonyń teń jartysy – urlyqqa qatysty. Deni jastardyń qatysýymen oryn alǵan. О́zekti órteıtin ókinish te osy. Nege beıbit, molshylyq zamannyń jastary mundaıǵa jol beredi? Kerisinshe, qazir jastar baqytty bolýǵa tıis. О́tken ómir men búgingi tirlikti múlde salystyrýǵa kelmeıdi. Eńbek etýge qulshynysy zor adamǵa jaqsy múmkindikter jasalyp otyr ǵoı. Sondyqtan óskeleń urpaq baqýatty tirliktiń qadirin bilip, ár sátti baǵalasa eken deımin.

 

Amangeldi ÁBILǴAZIN,

 eńbek ardageri

 

Soltústik Qazaqstan oblysy

 

...keńes beredi

Talpynsań talaı belesti baǵyndyrasyń

Arqasy jaýyr bolǵan, óz shaban, ábden aryqtaǵan at qudyqqa túsip ketipti. Iesi kelip, ony tartyp shyǵarýdyń áýresiniń tym kóp ekenin oılap, álgi atty sol qudyqtyń túbine tastap kete barypty. Al joldan árli-berli ótken adamdar qudyqqa qoqys tógedi eken. Jylqy qatty yzalanyp, óziniń baqytsyzdyǵyna nalypty. Qyrsyq shalǵanda qaıdaǵy bir qudyqqa túsip ketip, onymen qoımaı ıesi de ony tastap ketti. Endi óleıin dep jatsa da tynyshtyq joq, ár saǵat, ár mınýt saıyn adamdar kelip qoqys tógip jatyr...

Bir kúni onyń oıynda tosynnan ózgeris bolyp, ol óziniń basyna túsken qıynshylyqty ózgertý bekimine kelipti. Sóıtip ol ár kúni ústinen tógilgen qoqystarǵa kómilip qalmaı, qaıta qoqystardy aıaǵymen taptap, astyna jııa beripti. Aqyrynda álgi qoqystar onyń baspaldaǵyna aınalyp, ol aman-esen jer betine shyǵypty.

Dúnıede minsiz nárse joq. О́mir saǵan tek «qoqys» syılasa da, sen ol «qoqystardy» aıaǵyńmen taptap, ómirdiń bıik belesterine jetýge talpynys jasa.

 

Kámshat ALBAN

 

...rızashylyǵyn bildiredi

Mádenıet úıi – aýyl maqtanyshy

Atyraýda osydan biraz buryn aıtýly mereke kúnin toılaý Jańatalap aýylyndaǵy 200 oryndyq mádenıet úıin paıdalanýǵa berýden bastalǵan bolatyn. El kópten kútken nysan áleýmettik-ınfraqurylymdyq jobalardy júzege asyrý aıasynda salynǵan edi.

Jańa ǵımaratta ákimshilik-tehnıkalyq oryndar, úlken aýdıtorııa, kórermen zaly, grım bólmesi, ártister bólmesi, kitaphana, ekinshi qabatta keńseler men kórkemdik jáne úıirmelerge arnalǵan sheberhanalar ornalasqan.

«Turǵyndar bul kúndi kópten kútti jáne barshamyzdyń qýanyshymyzǵa oraı bul kún týdy. 200 oryndyq jańa mádenıet úıi Elbasynyń «Rýhanı jańǵyrý» maqalasy aıasynda salyndy. Osy oraıda oblystaǵy birqatar áleýmettik jobalarǵa qoldaý kórsetip júrgen, nysan qurylysyn salýǵa demeýshilik kórsetken «NCOC» kompanııa­syna alǵysymyzdy bildiremiz. Aldaǵy ýaqytta da seriktestigimiz jalǵasady dep senemiz», deıdi osyǵan arnaıy kelgen oblys ákimdiginiń ókili.

 

Abaı ABYLAIULY

 

Atyraý oblysy

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar