«О́sýdiń qozǵaýshy kúshteri negizinen ónerkásip, qurylys, kólik, saýda jáne aýyl sharýashylyǵy salalary boldy. О́ńdeýshi ónerkásiptegi ósim negizinen mashına jasaý, munaı óńdeý, tústi metallýrgııa, jeńil ónerkásip, farmasevtıka jáne sýsyndar óndirisi esebinen qamtamasyz etildi. 14 óńirde ónerkásiptiń ósýi qamtamasyz etilgen», - dedi Premer-Mınıstr.
Ekonomıkanyń turaqty damýyn qamtamasyz etý jáne nátıjeli jumys oryndaryn qurý úshin negizgi másele – ınvestısııalardyń jańa tolqynyn tartý.
«Bizdiń mindetimiz – jyl saıyn negizgi kapıtalǵa ınvestısııalar kólemin orta eseppen 20%-ǵa arttyryp, onyń deńgeıin 2025 jylǵa qaraı JIО́-niń 30% deıin jetkizý», - dedi Asqar Mamın, negizgi kapıtalǵa ınvestısııalar 11,7% ulǵaıǵanyn, onyń ishinde jeke ınvestısııalar 13%-ǵa óskenin atap ótip.
Onyń aıtýynsha, nysanaly parametrlerge qol jetkizý úshin negizgi kapıtalǵa 5 jyl boıy 30 trln teńge somasynda ınvestısııalar tartý qajet.
«Búginde 12,4 trln teńge somasynda jobalar pýly anyqtaldy. Iаǵnı, jyl saıyn orta eseppen 3 trln teńgeden qosymsha ınvestısııalar tartý qajet. Tikeleı sheteldik ınvestısııalardyń jyldyq kólemin qazirgi 24 mlrd dollardan 2025 jylǵa qaraı 34 mlrd-qa deıin arttyrý kerek», - dedi Úkimet basshysy, ınvestısııalar tartý úshin óńdeý ónerkásibiniń, otyn-energetıka kesheniniń, kólik jáne logıstıkanyń, AО́K pen týrızmniń áleýeti zor ekenin atap ótip.
Investısııalar tartý jahandyq básekelestiktiń artýy jaǵdaılarynda júzege asyrylyp jatqanyn atap ótý qajet. Osyǵan balanysty Úkimet barlyq memlekettik qoldaý sharalaryn qoldanýmen jáne qolaıly ınvestısııalyq ahýal qurýmen ınvestısııalar tartý boıynsha proaktıvti jumystardy júrgize bastady.
Premer-Mınıstr aǵylshyndyq quqyqty, jobalardy qurylymdastyrýdy jáne teń qarjylandyrýdy qoldaný arqyly AHQO áleýetin paıdalaný sheteldik jáne otandyq ınvestorlar úshin tartymdy jaǵdaılar týdyratynyn atap aıtty.
Árbir ortalyq jáne jergilikti atqarýshy organ men ulttyq holdıng úshin naqty nysanaly ındıkatorlar qoıylady.
Investısııalar tartý jónindegi úılestirý keńesinde barlyq ınvestısııalyq jobalardyń júzege asyrylý barysy qarastyrylatyn bolady.
О́zekti áleýmettik máselelerdi sheshý - Úkimet jumysynyń asa mańyzdy basymdyǵy. Jumyssyz jáne ózin-ózi jumyspen qamtyǵan azamattardy nátıjeli jumyspen qamtýǵa tartý boıynsha proaktıvti sharalar iske asyryla bastady.
«Eńbek naryǵy turaqty. Aǵymdaǵy jylǵy birinshi jarty jylda jumyssyzdyq deńgeıi 4,8 %-ǵa deıin tómendedi. 186 myń jańa jumys orny quryldy, onyń 126 myńy – turaqty», - dedi Asqar Mamın.
Úkimet basshysy bıyl jumyspen qamtý sharalarymen qamtý, onyń ishinde «Bastaý bıznes» jáne «Jas kásipker» baǵdarlamalary aıasynda qysqa merzimdi kásiptik oqytý arqyly qamtý 4 esege artatynyn jáne 300 myńnan astam adamdy quraıtynyn aıtty.
Aǵymdaǵy jyly shaǵyn nesıelendirýge shyǵyndar 19 myń adamdy qamtýmen 85 mlrd teńgege deıin ulǵaıtyldy. Jańa bıznes-ıdeıalardy iske asyrýǵa granttar kólemi 37 myńnan astam adamdy qamtýmen 18 mlrd teńgege deıin ulǵaıtylady.
Sonymen qatar, 1 qyrkúıekten bastap 122 myńnan astam adamdy qamtýmen, TjKB-degi jumysshy mamandyqtary boıynsha bilim alýshylardyń shákirtaqysy 30%-ǵa ósedi.
«Jalpy, 2019 jyly áleýmettik sala shyǵyndary 7,1 trln teńgege deıin arttyryldy. Úkimet áleýmettik sharalardy iske asyrý boıynsha barlyq qajetti sharalardy qabyldaıtyn bolady», - dedi Asqar Mamın.
