«Qazaqstan ınjınırıng»: tabysty on jyl
Seısenbi, 12 naýryz 2013 6:41
Bıyl «Qazaqstan ınjınırıng» UK» aksıonerlik qoǵamynyń qurylǵanyna 10 jyl tolyp otyr. Osy ýaqyt ishinde kompanııa birqatar belesti baǵyndyrdy. Alǵa qoıǵan mańyzdy mindetterdi oryndap, oń kórsetkishterge qol jetkizdi. Soǵan oraı keshe Astanada basqarma tóraǵasy Bolat Smaǵulovtyń qatysýymen jýrnalısterge arnalǵan arnaıy baspasóz májilisi bolyp ótti.
Seısenbi, 12 naýryz 2013 6:41
Bıyl «Qazaqstan ınjınırıng» UK» aksıonerlik qoǵamynyń qurylǵanyna 10 jyl tolyp otyr. Osy ýaqyt ishinde kompanııa birqatar belesti baǵyndyrdy. Alǵa qoıǵan mańyzdy mindetterdi oryndap, oń kórsetkishterge qol jetkizdi. Soǵan oraı keshe Astanada basqarma tóraǵasy Bolat Smaǵulovtyń qatysýymen jýrnalısterge arnalǵan arnaıy baspasóz májilisi bolyp ótti.
«Naýryzdyń 13-i kúni kompanııanyń qurylǵanyna 10 jyl tolady. Osy ataýly kúnge oraı biz aǵymdaǵy jumystar jaıynda baıandaǵymyz keldi. О́tken 10 jyldyń ishinde óndiris kólemi 3,4 mlrd. teńgeden 64 mlrd. teńgege jetti, ıaǵnı 19 esege artty», dedi B.Smaǵulov. Basqarma tóraǵasynyń aıtýynsha, bıylǵy jyly óndiris kólemin 90,4 mlrd. teńgege jetkizý kózdelip otyr.
Negizinde «Qazaqstan ınjınırıng» UK» AQ 27 óndiristik kásiporyndardan turatyn holdıngtik qurylym bolyp tabylady. Sondaı-aq, ol Qorǵanys mınıstrliginiń iri áskerı zaýyttaryndaǵy birtutas qarjylyq, óndiristik jáne tehnologııalyq saıasatty qamtamasyz etedi. Kompanııa kásiporyndary munaı-gaz, temir jol, agroónerkásip, jylý-energetıka keshenderine qatysty tapsyrys berýshiler úshin ónim shyǵarý jáne qyzmet kórsetýge, sondaı-aq, qarý-jaraq pen áskerı tehnıkany óndirý jáne ony jóndeýge mamandandyrylǵan.
«Qazaqstan ınjınırng» UK» AQ óziniń on jyldyq damý dınamıkasynda negizgi óndiristik jáne qarjy kórsetkishteriniń oń nátıjesin kórsetip keledi. Oǵan ótken jyldy 4 mlrd. teńge shamasyndaǵy jınaqtalǵan paıdamen aıaqtaýy da dálel. Al alynǵan tabysyn kompanııa óndiristi damytý úshin ınvestısııaǵa qaıta salýda. Máselen, on jyldyń ishindegi salynǵan ınvestısııa kólemi 2012 jyly 236 mln. teńgeden 7,7 mlrd. teńgege artty nemese 32 ese ulǵaıdy. Al kompanııanyń aktıvi sońǵy on jylda 7,3 esege artyp, 43,5 mlrd. teńgege jetipti.
«Aǵymdaǵy jyly aktıvimizdi 66 mlrd. teńgege jetkizý josparlanǵan. Kompanııanyń óz kapıtaly 12,3 esege, 1,6 mlrd. teńgeden 21 mlrd. teńgege kóbeıdi. Jarǵylyq kapıtaly 429 mln. teńgeden 12,1 mlrd. teńgege nemese 28 esege joǵarylady», deıdi B.Smaǵulov. Basqarma basshysynyń sózine qaraǵanda, qyzmetkerler jalaqysy 6 esege ósipti. Qazir kompanııa qyzmetkerleriniń ortasha tabysy 111,5 myń teńge. Bıyl eńbekaqy 118 myń teńgege jetedi dep kózdelýde.
«Eńbek ónimdiligi jan basyna shaqqanda 648 myń teńgeden 12 308 myń teńgege artty. Osy jyly bul kórsetkish 16 648 myń teńgege jetedi. Sońǵy úsh jylda 650 jańa jumys orny ashyldy, 2012 jyly bizdiń kompanııa bıýdjetke 5 mlrd. teńge shamasynda salyq tóledi. Sonymen qatar, óndiriske 7 mlrd. teńge shamasynda ınvestısııa salyndy», dep atap ótti B.Smaǵulov. Osylaısha, kásiporyndardyń ekonomıkalyq kórsetkishteri, óndiristik jáne tehnıkalyq áleýeti turaqty túrde artyp, 6 myńnan astam adamdy jumyspen qamtýda.
B.Smaǵulov jetistikterge qol jetkizýge múmkindik bergen birqatar sharalarǵa toqtalyp, aldaǵy josparlarymen de bólisti.
«Bizdiń maqsatymyz – jýyrda eksport naryǵyna shyǵyp, transulttyq kompanııa ataný. Búginde kompanııanyń oǵan degen barlyq múmkindikteri bar. Biz «V2» deńgeıinde «Moody’s» agenttiginen nesıe reıtıngisin aldyq. Sondyqtan biz qazirdiń ózinde ózimiz uıymdastyrǵan jobalardy nesıelik qarajat arqyly qarjylandyra alamyz», dedi B.Smaǵulov. Ol, sondaı-aq, kompanııa búginde Eýrokopter 145 sanatyndaǵy áskerı tikushaq óndirisin ıgergenin aıtyp ótti. Máselen, bıylǵy jyly naýryzdyń basynda Eýrokoptermen jańa kelisim jasalypty. Endi ES645 jáne ES635 áskerı ushaqtaryn shyǵarmaq.
Baspasóz májilisi barysynda «Qazaqstan ınjınırıng» UK» AQ óziniń 10 jyldyq mereıtoıyna oraı «On qaıyrymdylyq is» aksııasyn ótkizetini de málim boldy.
Baspasóz qyzmeti taratqan málimetke súıensek, kompanııa aksııa aıasynda túrli áleýmettik jobalardy iske asyrady, birneshe mádenı-buqaralyq jáne sporttyq sharalardy uıymdastyratyn bolady. Bul oraıda, ulttyq kompanııa jetim balalarǵa jáne ata-anasynyń qaraýynsyz qalǵan balalarǵa arnalǵan balalar úıleri men ınternattardy qamqorlyqqa alýdy josparlaýda.
Dınara BITIKOVA,
«Egemen Qazaqstan».
