Tótenshe jaǵdaılardan zardap shekken 150 bala saýyqtyrý sharalarynan ótýge jáne ýaqytyn jaqsy ótkizýge múmkindik alyp otyr. Jas qonaqtardyń alǵashqy tobyn almatylyqtar perronda qarsy aldy. Parlament Senatynyń depýtaty Dınar Nóketaeva da jas meımandardy qarsy alýshylardyń arasynda boldy. Senator jetkinshektermen áńgimelesip, olardyń bárine demalystarynyń jaqsy ótýine tilektestigin bildirdi.
- Búgingi kúni arystyq balalarǵa barlyq jaǵdaı jasalǵan. Balalarǵa arnalǵan tamaqtaný jáne demalys sharalary tolyq qarastyryldy. Ár kúnge ár túrli oıyn-saýyq josparlanǵan. Balalar densaýlyqtaryn túzeıdi, olarǵa medısınalyq jáne psıhologııalyq kómek kórsetiledi. Sondyqtan olar jaqsy demalady dep oılaımyn, dedi Dınar Nóketaeva.
