«Shoń qaqpadaǵy» shý
Seısenbi, 19 naýryz 2013 1:24
Ol neden shyqty?
Qyrǵyz eliniń saýdagerleri Taraz qalasynyń bazarlaryna ótkerý úshin kún saıyn «Aısha bıbi» kedeni arqyly túrli kókónis pen jemis-jıdekterdi tonnalap turyp ótkizedi. Bul óte durys. Kórshi bolǵan soń el men el bir-birimen barys-kelis, alys-beris máselesinde jaqsy qarym-qatynasta bolǵany jón.
Seısenbi, 19 naýryz 2013 1:24
Ol neden shyqty?
Qyrǵyz eliniń saýdagerleri Taraz qalasynyń bazarlaryna ótkerý úshin kún saıyn «Aısha bıbi» kedeni arqyly túrli kókónis pen jemis-jıdekterdi tonnalap turyp ótkizedi. Bul óte durys. Kórshi bolǵan soń el men el bir-birimen barys-kelis, alys-beris máselesinde jaqsy qarym-qatynasta bolǵany jón. Biraq osy saýdagerlerdiń arasynda keden salyqtarynan jaltaryp, túrli aıla-sharǵylarǵa baratyndary da jeterlik. Máselen, olar júk mashınasyndaǵy taýarlaryn kedenge jetpeı jeńil kólikterge aýdaryp tıep, «Biz bulardy satýǵa alyp bara jatqan joqpyz» degenge kóshken. Kedenshiler de ońaı shaǵylatyn jańǵaq emes, olarǵa zań boıynsha jeke maqsatqa paıdalanylatyn taýarlardy aıyna bir-aq ret ótkizýge bolatynyn túsindiredi. Biraq jón sózge qulaq aspaǵan aǵaıyndar ózderiniń «Shoń Qaqpa» beketi mańyndaǵy «Kerýen» dep atalatyn bazaryna júkterin túsirip, «Eger qazaqtarǵa kókónis pen jemis-jıdek kerek bolsa, onda olardy endi osy jerge kelip satyp alsyn», dep qıǵylyq salady. Biraq shekaranyń eki jaǵyndaǵylardy da aıǵaı-shýǵa «qaryq» qylǵan eki táýlik ishinde kókónisteri buzylyp, shirı bastaǵan aıyr qalpaqty aǵaıyndar taýarlaryn «Aısha bıbi» kedeninen zańdy túrde alyp ótýge amal joq kelisti.
Keden zańy «bireýdiń ózi jaqsy, bireýdiń kózi jaqsy» degen kóńiljyqpastyqqa qaramaıdy. Qatań bolsa da ortaq talap óz nátıjesin berdi. Mysaly, buryn «Aısha bıbi» kedeni arqyly 7-8 kún ishinde 350-400 tonna júk artqan 50 kólik tirkelip, bıýdjetke shamamen 3 mıllıon teńge túsip kelse, kedennen turaqty túrde taýar alyp ótetin saýdagerlerge qadaǵalaýdy kúsheıtkennen keıin bul kórsetkish 3-4 esege ósti.
Kósemáli SÁTTIBAIULY,
«Egemen Qazaqstan».
Jambyl oblysy.
