Jańabulaq aýyldyq Mádenıet úıinde jergilikti atqarýshy organ ókilderi, máslıhat depýtattary, aýyldyq okrýg ákimderi, basqa da mekeme basshylary jáne turǵyndarmen bolǵan kezdesýde ataýly áleýmettik kómekti taǵaıyndaý, tórtinshi deńgeıli bıýdjetke kóshý, salyq jınaý, turǵyn úı kezegi máseleleri kóterildi.
Senatorlar jumys saparyn aýdan ortalyǵynda odan ári jalǵastyryp, 100 oryndyq ınternat, 300 oryndyq mektep-gımnazııa, 3 qabatty komýnaldyq turǵyn úıdiń qurylysymen tanysty. Sonymen qatar, Jaıyq aýylyndaǵy taza aýyz sý qubyrynyń qurylysy jáne Jaıyq ózeniniń jaǵalaýyn bekitý jumystaryna nazar aýdardy. Jergilikti ákimdik ókilderi Jaıyq ózeni Aqjaıyq aýdanynyń ortalyǵy Chapaev aýylyndaǵy kóktem mezgilinde sý kóterilý qaýpi tóngenin jetkizdi. О́zen janyndaǵy úılerdiń sýǵa ketý qaýpin aldyn-alý maqsatynda sý jaǵasyn bekitýge 1mlrd 400 mln teńge qarajat tabý máselesi aıtyldy.
Sondaı-aq N.Tóreǵalıev pen E.Muqaev Býdarın aýyldyq okrýgindegi «Atamura» sharýa qojalyǵynda da boldy. Qazaqtyń aqbas tuqymdy iri qarasyn, kóshim jylqysyn, edilbaı qoıyn ósirip otyrǵan qojalyqta mal sharýashylyǵy qarqyndy damýda. Baý-baqsha, alma aǵashyn ósirip jáne karp balyǵyn kóbeıtip kele jatqan sharýashylyqta júıeli ister qolǵa alynǵan. Osylardy aralap kórgen Senat depýtattary sharýanyń isine oń baǵa berip, ózekti máselelerdi zerdeledi.
Sharýa qojalyqtary kóktemgi jáne kúzgi dalalyq jumystar kezinde janarmaı baǵasynyń qymbattaıtynyn aıtyp, maýsym kezinde jeńildik berýin nemese sýbsıdııa bólýin surady.
