Rýhanııat • 17 Shilde, 2019

Shatarbaı áýletiniń sheberleri

98 retkórsetildi

Halqymyzdyń kóne dástúri men qolónerin dáriptep júrgen Shatarbaı áýleti kıiz ben bylǵarydan túrli buıymdar daıyndaıdy. Ásirese, Dáýeı aqsaqaldyń qolynan shyqqan aǵash buıymdar úlken suranysqa ıe.

Dáýeı Shatarbaı 2009 jy­ly otbasymen birge Moń­ǵo­lııadan Kellerovka aýylyna qonys aýdarǵan. Qarııa qyryq jyldyq pedagogıkalyq qyz­meti úshin Mońǵolııa Respýb­lıkasynyń bilim berý sala­synyń úzdigi atanǵan. Ol jer­gilikti jastardy kóne má­de­nıetimizdiń qyr-syryn meńgerýge baýlý maqsatymen qoldanbaly óner murajaıyn ashqan. Sóıtip kıiz úı jasaý kásibin damytyp, kópshilik arasynda dáripteýge basa nazar aýdaryp otyr. Atadan balaǵa mıras bolǵan bul saltymyz teriskeıde múldem umytylyp barady dese de bolady. Jastar óz ultynyń tarıhyn bilýmen qatar ata-babalarymyzdyń kásibin ıge­rýi kerek. Osy sebepti ákem­nen úırengen kıiz úı tigýdiń qyr-syryn balalarym men nemerelerime mura retinde qaldyrǵym keledi, deıdi Dáýeı ata. 

Kileń sheberler jınalǵan áýlettiń árbir múshesi tuskıiz toqyp, sýret salady, er-tur­man soǵady. Dáýeı atamen qatar onyń eki ulynyń ush­qyr qııalynan týǵan zattarda qazaq halqynyń tarıhy, salt-dástúri, ádep-ǵur­py jan-jaqty kórinis tap­qan. Máselen, bul áýlettiń qyz­dary men kelinderi úı sheberhanasynda umyt bola bastaǵan kıiz basý men alasha toqýdy tereń ıgergen. Sondaı-aq jip ıirip, kilem toqıdy. Úırengisi keletinder úshin Dáýeı aqsaqaldyń ustahanasynda arnaıy kýrs­tar uıymdastyrylady. Ta­bıǵı ónimnen jasalǵan ulttyq naqyshtaǵy tekemetter ásem órnegimen kózdiń jaýyn alady. Sheberlerdiń kóz maıyn taýysyp jasaǵan árbir buıymy, atap aıtsaq, dom­by­rasy, ulttyq kádesyıy men ba­lalarǵa arnalǵan oıyn­shyqtary,tastan jasalǵan áshekeıleri tek ulttyq naqysh­ta bezendiriledi. 

«Ákem maǵan balyq, qoı já­ne qustyń súıeginen káde­syılar ja­­saýdy úıretti. Qazir aǵashtan mú­sin oıýǵa ma­shyqtanyp júrmin. Er­asyl esimdi ulym da atasynyń k­á­­­­sibin jalǵastyrǵysy keledi. Ata-babamyzdan daryǵan bul kási­bi­mizdiń arnasyn keńeıtýdi jos­parlap otyr­myz», – deıdi Sheken Dáýeıuly.

Shatarbaı otbasynyń jasap shy­ǵarǵan buıymdary kóptegen konkýrs­tar men kór­melerde joǵary ba­ǵaǵa ıe bolyp, sheteldikterdiń ulttyq máde­nıetimizge degen qyzyǵýshylyǵyn arttyra túsken. Nur-Sultan qa­la­synda ótetin túrli ha­lyq­aralyq jıyndarda osy áýlettiń kádesyılary qonaq­tarǵa tartý etilip keledi. О́ner­diń san túrin meńgergen she­ber birneshe ret ulttyq bu­ıymdar men kádesyılar kórmelerine qatysyp, bir­qatar elderdi aralap kelgen. Endigi oıy– qoldanbaly óner kolledjin ashyp, dáris berip, izba­sarlaryn kóbeıtý. 75-ke kelse de, shákirtterimen bóli­setin qupııa-syr­lary az emes.


Gúlbıke KÝBENOVA,
jýrnalıst
Soltústik Qazaqstan oblysy,
Taıynsha aýdany
Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar