Qarjy kólemi qomaqty
Senbi, 30 naýryz 2013 1:59
«Agrarlyq nesıe korporasııasy» AQ aýyl sharýashylyǵy taýar óndirýshilerdiń 1 mln. gektardan astam jerge kóktemgi egis jumystaryn júrgizý úshin bergen ótinishterin maquldady
«Agrarlyq nesıe korporasııasy» AQ respýblıkalyq bıýdjet qarjysy aıasynda agroónerkásip kesheni nysandaryn qoldaý maqsatynda kóktemgi egin egý jumystaryn júrgizýge nıet bildirgen aýyl sharýashylyǵy taýar óndirýshileriniń jalpy somasy 26 mlrd. teńge bolatyn ótinishterin maquldady, bul qarjy bıylǵy kóktemde 1 mln. gektardan astam alqapqa egin egýge múmkindik beredi.
Senbi, 30 naýryz 2013 1:59
«Agrarlyq nesıe korporasııasy» AQ aýyl sharýashylyǵy taýar óndirýshilerdiń 1 mln. gektardan astam jerge kóktemgi egis jumystaryn júrgizý úshin bergen ótinishterin maquldady
«Agrarlyq nesıe korporasııasy» AQ respýblıkalyq bıýdjet qarjysy aıasynda agroónerkásip kesheni nysandaryn qoldaý maqsatynda kóktemgi egin egý jumystaryn júrgizýge nıet bildirgen aýyl sharýashylyǵy taýar óndirýshileriniń jalpy somasy 26 mlrd. teńge bolatyn ótinishterin maquldady, bul qarjy bıylǵy kóktemde 1 mln. gektardan astam alqapqa egin egýge múmkindik beredi.
Sonyń ishinde kóktemgi egis jumystaryn nesıeleý maqsatynda búgingi kúni Aqmola, Qostanaı jáne Soltústik Qazaqstan oblystarynyń aýyl sharýashylyǵy taýar óndirýshilerin jalpy somasy 15 mlrd. 500 mln. teńgeden asa qarajatqa qarjylandyryldy.
Bul qarjy aýyl sharýashylyǵy taýar óndirýshileriniń ýaqtyly qajetti sharalardy ótkizýge múmkindik beredi, atap aıtqanda: janar-jaǵarmaıdy satyp alý; aýyl sharýashylyǵy tehnıkasyn jóndeýge arnalǵan materıaldar men qosymsha qurylǵylar; mıneraldy tyńaıtqyshtar, ósimdikterdi qorǵaý quraldary; aýylsharýashylyq ónimin saqtandyrý kezinde saqtandyrý jarnasyn tóleý.
2013 jyly agroónerkásip sýbektilerin nesıeleý baǵdarlamasy boıynsha kóktemgi egis jáne jıyn-terim jumystaryn nesıeleý úshin korporasııa respýblıkalyq bıýdjet qarjysy esebinen 40 mlrd. teńge bólýdi josparlap otyr.
Kóktemgi egis jáne jıyn-terim jumystaryn nesıeleý sheńberinde respýblıkalyq bıýdjetten qaryzǵa alynǵan qarajat esebinen ótken jyly korporasııa egis jáne jıyn-terim jumystaryn júrgizý úshin 1 mln. 500 myń gektardan astam alqapqa jalpy somasy 28 mlrd. teńgeden asa qarajat bóldi.
«Agrarlyq nesıe korporasııasy» AQ 2001 jyly QR Úkimeti qaýlysymen qurylǵan kompanııa. Negizgi maqsaty – agrarlyq salany Qazaqstan Respýblıkasy agroónerkásip kesheni sýbektilerin qoljetimdi nesıeleý júıesin damytý arqyly ındýstrııalandyrý jáne ártaraptandyrý. Kompanııa «QazAgro» ulttyq basqarýshy holdınginiń quramyna kiredi.
Marat AQQUL,
«Egemen Qazaqstan».
