Is-sapar barysynda Tólebı aýdanyndaǵy jeke kásipker jıhaz óndiretin kásiporyn jumysymen tanysty.
«Merýert» jıhaz óndiris orny 2018 jyldyń tamyz aıynda iske qosylǵan. Negizgi óndiretin ónimderi aq qaıyń men qara aǵashtan ústel jáne oryndyqtar sekildi jıhaz túrlerin jasap shyǵarady. Máselen, aı saıyn 200 oryndyqty tutynýshyǵa usynady. Kásiporynda 25 adam jumys jasasa, olardyń ortasha jalaqy kólemi - 66 809 teńgeni kórsetedi.
Kásiporyn ujymymen kezdesýde aýdan ákimi B. Omarbekov aýdandaǵy kásipkerlik salany qarqyndy damytyp kele jatqan «Lengir mashına jasaý zaýyty» JShS-niń «JK Merýert» jıhaz shyǵaratyn sehy kún saıyn damyp, tapsyrys kóbeıip, jumyspen qamtylǵandardyń sanyn artyp kele jatqanyna aıtty.
- Osyndaı kásipkerlerimizdiń arqasynda aýdanymyzdyń ilgeri jyljıtyny aıqyn. Bıyl aýdanda kásipkerlik salasyn birshama damytý qolǵa alynýda. Qazir memlekettik baǵdarlamalar aıasynda halyqtyń óz kásibin ashýy úshin qoldaý kórsetýdemiz, - dedi aýdan basshysy.
О́z kezeginde Májilis depýtaty F. Qarataev:
- Qazaqstan Respýblıkasynyń tuńǵysh Prezıdenti N.Á.Nazarbaev shaǵyn jáne orta bıznesti damytý elimizdegi órkendeýdiń óte mańyzdy talaptarynyń biri ekendigin aıtqan bolatyn. Shaǵyn jáne orta kásipkerlikti damytý elimizdiń ekonomıkasyn jandandyrýǵa jáne halqymyzdyń áleýmettik hal-ahýalyn kóterýine óz septigin tıgizedi. Bıyl mamyr aıynda Qasym-Jomart Toqaev Ulttyq ınvestorlar keńesinde sóılegen sózinde kásipkerlikke tıimdi qoldaý kórsetý máselesin kótergen bolatyn. Elbasy Nursultan Nazarbaevtyń sheshimimen qoljetimdi nesıeleýge 600 mıllıard teńge bólingen. Qasym-Jomart Kemeluly muny «qarapaıym zattar ekonomıkasy» taýarlaryn óndirýge taptyrmas múmkindik dep atap ótti. Aldaǵy ýaqytta kásipkerlik salasyn damytý baǵytynda kóptegen baǵdarlamalar uıymdastyrylyp, kásipkerler men kásiporyndar kóptep ashylatynyna senimdimiz. Barlyqtaryńyzǵa tájirıbe jınap, damytyp, óz kásipterińizdi ashýǵa keńes beremin. Bárimiz birge aýdandy kórkeıteıik. Sizderdiń kásipterińizge degen adaldyqtaryńyz alǵa jeteleıtinini men senimdimin, - dep, kásiporyn ujymyna sáttilik tiledi.
