Birlik bar jerde tirlik bar
Senbi, 30 naýryz 2013 2:33
Búginde elimizdiń aýdan-aımaqtarynda aýyl sharýashylyǵy taýar óndirýshileriniń óz isin dóńgeletýine ózindik úles qosyp, tómen paıyzdy nesıemen qarjylandyryp otyrǵan kredıttik seriktestikteriniń sharýalarǵa paıdasy jóninde az aıtylyp júrgen joq. Osydan on eki jyl buryn «Agrarlyq nesıe korporasııasy» AQ qoldaýymen qurylǵan kredıttik seriktestikterdiń sany búginde 164-ke jetti. Qazirde bul kredıttik seriktestikter respýblıkanyń 13 oblysyndaǵy 160 aýdanda aýyl sharýashylyǵy taýar óndirýshilerine egin men tórt túlik mal ósirý úshin nesıe berýmen aınalysady.
Senbi, 30 naýryz 2013 2:33
Búginde elimizdiń aýdan-aımaqtarynda aýyl sharýashylyǵy taýar óndirýshileriniń óz isin dóńgeletýine ózindik úles qosyp, tómen paıyzdy nesıemen qarjylandyryp otyrǵan kredıttik seriktestikteriniń sharýalarǵa paıdasy jóninde az aıtylyp júrgen joq. Osydan on eki jyl buryn «Agrarlyq nesıe korporasııasy» AQ qoldaýymen qurylǵan kredıttik seriktestikterdiń sany búginde 164-ke jetti. Qazirde bul kredıttik seriktestikter respýblıkanyń 13 oblysyndaǵy 160 aýdanda aýyl sharýashylyǵy taýar óndirýshilerine egin men tórt túlik mal ósirý úshin nesıe berýmen aınalysady.
Jaqynda osyndaı nesıe berýshi uıymnyń biri de biregeıi óziniń 10 jyldyq mereıtoıyn atap ótti. Naqtyraq aıtsaq, 2003 jyly Ońtústik Qazaqstan oblysy, Báıdibek aýdanynda aımaqtaǵy alǵashqylardyń biri bolyp, irgesin qalaǵan «Báıdibek-nesıe» kredıttik seriktestigi on jyldaǵy jetistigin zor tabyspen toılady. Mereıtoılyq sharany ótkenge esep berýmen bastaǵan irgeli ujym, jınalǵan aýdan basshylyǵy men máslıhat depýtattary aldynda óz josparlarymen bólisti. «Báıdibek-nesıe» JShS basqarma tóraǵasy Ábildabek Shardarbekovtiń aıtýynsha, osydan on jyl buryn nebári 46 qatysýshymen qurylǵan seriktestiktiń búgingi tańda 342 múshesi bar. Áý bastan atakásip mal sharýashylyǵymen aınalysyp kele jatqan Báıdibek aýdanyndaǵy aýyl sharýashylyǵy taýar óndirýshileri de nesıeni osy salany damytýǵa alady. Sonymen qatar, búginde seriktestik arqyly mal qoralaryn salý, jemshóp qoryn jasaqtaý, kókónis salasynda tamshylatyp sýǵarý, jyly jaılar salý úshin de qaryz alýshylar qatary kóbeıgen. Osy baǵytqa josparlanǵan seriktestiktiń nesıe múmkindigi búginde 2 mıllıardqa jýyq teńgeni qurap otyr.
Atap óterligi osy on jyl ishinde kredıttik seriktestik jumysyn aıaǵynan tik turǵyzyp, búginde ony aýdan men oblystaǵy aldyńǵy qatarly nesıe berýshi uıymǵa aınaldyrǵan bilikti basshy Ábildabek Shardarbekulynyń eńbegi ushan-teńiz. Qashanda jumystyń sapasyn saralap, temirdeı tártipti talap etetin tájirbıeli basshy ómirdegi kórgeni men kóńilge túıgenin ujym jumysyn uıymdastyrýda utymdy paıdalandy. Birlik bar jerde tirliktiń de bary dáleldengen. Búginde respýblıkamyzdaǵy aldyńǵy qatarly kredıttik seriktestikterdiń kósh basynda turǵan «Báıdibek-nesıe» kredıttik seriktestiginiń bolashaqqa degen mańyzdy jospary kóp. Sondyqtan bıylǵy jyly da nesıe seriktestigine birigýge arnalǵan suranystar men ótinish-talaptardyń kóbeıerine úlken úmit artyp otyrǵan «Báıdibek-nesıe» kredıttik seriktestigin senimdi áriptes retinde baǵalaıtyn «Agrarlyq nesıe korporasııasy» AQ-ta shaǵyn uıymnyń berekeli birligi men tabysty tirligi ózgelerge áli talaı úlgi bolaryna senimdi.
Marat AQQUL,
«Egemen Qazaqstan».
Ońtústik Qazaqstan oblysy.
