Aımaqtar • 17 Shilde, 2019

Senatorlar Oraldaǵy óndiris oryndaryn aralady

98 retkórsetildi

Jumys saparymen Batys Qazaqstan oblysyna kelgen Parlament Senatynyń depýtattary Erbolat Muqaev pen Narıman Tóreǵalıev Oral qalasy aýmaǵyndaǵy óndiris oryndarynda boldy. Bul týraly Senattyń baspasóz qyzmeti habarlady.

Aldymen ındýstrııalandyrý kartasy aıasynda ashylǵan Oral transformator zaýytynda bolyp, jumys qarqynyn baǵamdady. О́ndiris orny bıyl 9 myń transformator shyǵarýdy josparlaǵan bolatyn. Qazir munda 300-deı jumysshy úsh aýysymmen jumys jasaıdy. Jyl sońyna deıin zaýytqa qosymsha seh salynyp, qyzmetkerler sanyn 800-ge deıin arttyrý kózdelýde.

«Jumysshylarmen tildestik. Jalaqylary ortasha eseppen 170 myń teńge. Zaýyt bolashaqta ındýstrıaldyq kolledjdi senimgerlik basqarýǵa alyp, ózderine qajetti kadrlardy daıarlaýdy qolǵa almaq. Jumys orny kóbeıtilip, salyqtyq baza ulǵaıtylady. Sondaı-aq ónimderiniń 90 paıyzy eksportqa shyǵarylady. Bul da qýantarlyq jaǵdaı», - dedi Parlament Senatynyń depýtaty Erbolat Muqaev.

Senatorlar jumys sapary barysynda «Bolashaq-T» seriktestiginde bolyp, kombınattaǵy jumystyń tolyqqandy atqarylyp jatqanyna kóz jetkizdi. Qazir munda 66 adam jumys isteıdi. Jumysshylardyń ortasha jalaqysy – 150-160 myń teńge. Kombınat jylyna 50 myń sharshy metr paneldi úı materıaldaryn jınaqtap otyr. Bıyl kompanııa Oral qalasy boıynsha jalpy aýmaǵy 27 myń sharshy metr bolatyn tórt kópqabatty turǵyn úıdiń qurylysyn aıaqtap, paıdalanýǵa tapsyrdy. Jyl sońyna deıin taǵy úsh úıdiń qurylysyn aıaqtaý kózdelip otyr. Kombınattaǵy qurylys materıaldarynyń 70-80 paıyzy otandyq ónim. Tek temir symdardy ǵana Reseıden alyp otyr.

Seriktestik basshysy Asqar Kýshanov depýtattarǵa kombınat qyzmetin tanystyra kelip, qurylysqa qajetti qıyrshyq tas Aqtóbeden jetkiziletin bolǵandyqtan, baǵasy jol-kóliktik tasymalǵa baılanysty eki ese qymbatqa shyǵatynyn jetkizdi. Sol sebepti kombınattyń qurylys materıaldarynyń ózindik qunyn túsirýge múmkindik bolmaı tur.  

«О́ńirde turǵyn-úı qurylysy qarqyndy. Oǵan suranys ta joǵary. Paneldi materıaldarmen daıyndalǵan úı monolıt úılerge qaraǵanda tez salynady. Tıisinshe, halyqty tezirek baspanamen qamtýǵa múmkindik beredi. Kombınat basshylyǵynyń kóterip otyrǵan máselesin biz Úkimetke jetkizetin bolamyz», - dedi senator Narıman Tóreǵalıev.

Sonymen qatar depýtattar «Atameken» qalalyq balalar týrızmi jáne ekologııa ortalyǵynda bolyp, tabıǵat aıasyndaǵy balalar lageriniń jumysymen tanysty.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar