Kezdesý barysynda Dúnıejúzilik banktiń Qazaqstandaǵy aldaǵy jyldarǵa arnalǵan josparlary talqylandy.
Sırıl Mıýller Qasym-Jomart Toqaevqa ártúrli sektordaǵy yntymaqtastyqtyń qorytyndylary, sonyń ishinde, aýyl sharýashylyǵy, jańa tehnologııa jáne jasandy ıntellekt salalaryndaǵy birlesken jobalardyń júzege asyrylýy jóninde málimet berdi.
Sonymen qatar, memlekettik basqarýdyń tıimdiligin arttyrý jáne halyqqa kórsetiletin memlekettik qyzmet salalaryndaǵy ózara yqpaldastyq máseleleri qarastyryldy.
Dúnıejúzilik bank tikeleı sheteldik ınvestısııalar tartý boıynsha Qazaqstandy Ortalyq Azııadaǵy kóshbasshy retinde moıyndaıdy jáne osy baǵytta elimizge odan ári jan-jaqty qoldaý kórsetýge, sondaı-aq, óńirlik kooperasııanyń damýyna septigin tıgizýge nıetti.
