Oıynnyń birinshi kezeńi qarsylas komandanyń basymdyǵymen aıaqtalǵan bolatyn.
Ekinshi kezeńniń alǵashqy mınýtynan rýmyn oıynshylary bizdiń komandany tyqsyra bastady. Kezdesýdiń 50-mınýtyna deıin olardyń gol soǵatyn birneshe múmkindigi boldy. Dese de ony alań ıeleri tıimdi paıdalana alǵan joq.
Al 73-mınýtta Bılel Omranı taǵy bir soǵyp ketti. Tabloda ChFR komandasynyń paıdasyna 3:1 esebi janyp turdy. Oıynnyń sońynda «Astana» shabýylshysy Rangelo Iаnga gol soǵatyn múmkindikti múlt jiberip aldy.
Kezdesýde ChFR komandasy «Astanany» 3:1 esebimen jeńip ketti. Nátıjesinde jarystyń kelesi satysyna rýmyn komandasy joldama aldy. Endi olar 23 jáne 30 shilde kúnderi Izraıldiń «Makkabı» (Tel-Avıv) komandasymen kezdesedi.
Endi «Astana» UEFA Eýropa lıgasynda synǵa túsedi. Elordalyq klýb atalmysh týrnırdiń ekinshi irikteý kezeńinde Andorranyń «Santa-Koloma» komandasymen oınaıdy. Oıyndar 23 shilde jáne 1 tamyz kúnderi bolady.
Esterińizge sala ketelik, eki komanda arasyndaǵy alǵashqy kezdesý elordada ótkizildi. Bul oıynda «Astana» 1:0 esebimen basym túsken bolatyn.
«Astana» aıtýly alamanǵa bıyl besinshi jyl qatarynan qatysty. Budan burynǵy jyldarda bir márte ÝEFA Chempıondar lıgasynyń toptyq kezeńinde S tobynda synǵa tústi. Qalǵan jyldarda atalmysh týrnırdiń úshinshi jáne pleı-off kezeńderinde súrinip, nátıjesinde ÝEFA Eýropa lıgasy toptyq kezeńinde baq synady.
Alǵashqy úsh jylda bolgar mamany Stanımır Stoılov komandaǵa bapkerlik jasasa, byltyr ony jergilikti bapker Grıgorıı Babaıan atqardy.
Sondaı-aq, 18 shildede qazaqstandyq úsh klýb UEFA Eýropa lıgasy birinshi irikteý kezeńindegi qarymta kezdesý oıyndaryn ótkizedi. О́z alańynda Nur-Sultan ýaqytymen 18.00-de Qostanaıdyń «Tobyly» Lıýksembýrgtiń «Jeness Esh», 20.30-da Almatynyń «Qaıraty» Bosnııa jáne Gersogovınanyń «Shırokı Brıeg» klýbyn qabyldasa, syrt alańda 23.00-de Shymkenttiń «Ordabasy» klýby Grýzııanyń «Torpedo» (Kýtaısı) komandasymen sheberlik baıqasady.
