Aımaqtar • 18 Shilde, 2019

«Crown Batys» «Tulparǵa» aınalady

93 ret kórsetildi

Batys Qazaqstan oblysy Báıterek aýdanynda kóp jyldan beri qańtarylyp turǵan «Crown Batys» bordaqylaý keshenine jańa ınvestor keldi. 18 shilde kúni óńir basshysy Ǵalı Esqalıev pen qaraǵandylyq «Tulpar» JShS bas dırektory Roman Gýssamov kezdesip, kásiporyn jumysyn jandandyrýǵa baılanysty túrli máselelerdi talqylady.

Roman Gýssamovtyń aıtýynsha, bordaqylaý keshenin qalpyna keltirý jumystary bıylǵy tamyz aıynan bastalmaq. Investor biraz jyl turyp qalǵan keshen jumysyn jolǵa qoıý úshin 4,2 mıllıard teńge qarjy quıylatynyn málimdedi.

- Biz bul qarjyny jyldyń sońyna deıin ıgeremiz. Iаǵnı, bir aı ishinde bordaqylaý alańdarynyń aımaǵy qalpyna keltiriledi, al qyrkúıekten bastap et kombınatyn iske qosamyz. Bordaqyǵa baılanatyn maldy satyp alý da sol kezden bastalady. Bastapqyda 2 myń bas mal semirtýge baılansa, onyń sany jyl sońyna deıin 7 myń basqa jetedi. Et kombınatynda mal etin tutasymen de, bólshektep te daıyndaımyz. Burynǵy «Crown Batys» ónimin negizinen shetelge satsa, bizdiń ónim qarapaıym halyqqa, orta tap ókilderine eshqandaı alypsatar deldalsyz satylady, - dedi Roman Gýssamov. 

Belgili bolǵandaı, «Tulpar» JShS Ortalyq Qazaqstan óńirinde ǵana emes, Nur-Sultan jáne Almaty qalalarynda, Kókshetaý men Qostanaıda da et ónimderin satýmen tanymal bolǵan kásiporyn eken. Endi Oral qalasynda da «Tulpardyń» tek óz taýarlary satylatyn fırmalyq dúkeni ashylmaq.

Jańarǵan keshen bordaqyǵa qoıylatyn maldy Batys Qazaqstan oblysy aýmaǵynan satyp alady. Sondaı-aq kásiporyn tolyq qýatyna kiriskende munda 160 adam turaqty jumys isteıdi.

Aıta keteıik, bir mezgilde 8,5 myń bas sıyrdy bordaqylaı alatyn qýaty bar «Crown Batys» kesheni 2010 jyly ashylǵan bolatyn. Arada úsh jyl ótkende kásiporyn basshysy «alaıaqtyq jasady» degen aıyppen qylmystyq jaýapkershilikke tartylyp, sottalyp ketti. Sot-tergeý organdarynyń pikirinshe, kásiporyn basshysy jalǵan qujat jasap, memlekettiń 13 mıllıon 828 myń teńge kóleminde sýbsıdııa qarjysyn negizsiz alǵan. Sot ol qarjyny da óndirip alýǵa sheshim shyǵarǵan.


Sýretti túsirgen Temirbolat TOQMÁMBETOV


Batys Qazaqstan

Sońǵy jańalyqtar

Shyǵysqa qar tústi

Aımaqtar • Búgin, 22:57

Murat Áıtenov chempıondardy marapattady

Aımaqtar • Búgin, 21:48

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Uqsas jańalyqtar