Aımaqtar • 18 Shilde, 2019

Almatyda Qytaı eliniń sýret kórmesi ashylady

102 retkórsetildi

Shildeniń 23-i kúni Á. Qasteev atyndaǵy QR Memlekettik óner mýzeıinde «Qytaı keskindemesi jáne grafıkasy. 19-21 ǵasyrlar» atty sýret kórmesi kórermen qaýymǵa jol tartady.

Jınaqtamada 230-dan astam týyndy bar, onyń 70-ten astamy ekspozısııaǵa qoıyldy. Olardyń ishinde Sı BaıShı men Sıýı BeıHýnnyń orama túrinde jáne Ma Szıýan men Iаn Shýannyń erekshe qyzyǵýshylyq týdyratyn túpnusqa týyndylarymen tanysý múmkindigi bar. Álemdik qaýymdastyqtyń Aspan asty eliniń mádenıetine yqylasyn oıatýǵa Orta ǵasyrdaǵy memlekettiń eń belgili sheberleriniń jumystarynyń ózindik kóshirme kartınasyn jasaǵan belgisiz avtorlardyń tamasha baspa týyndylarynyń qosqan úlesi qomaqty.

– Qytaı uzaq ýaqyt boıy álemdik arenada oqshaýlanǵan jaǵdaıda boldy. Múmkin, sondyqtan da bolar, munda ózindik  rýhanı jáne materıaldyq mádenıet qalyptasty. Elge basqa órkenıettiń yqpaly bolmady dese de bolady. Kerisinshe, ol basqynshy elderdiń ózine jat ónerin boıyna sińirip, ony ózine yńǵaılap aldy, sóıtip ol birjola Aspan asty eliniń dástúrli mádenıetimen aralasyp, sińisip ketti. Chjýngony meken etken adamdar Adam balasyna laıyqty bilim tutastyǵyna, «barlyq zattardyń tutastyǵyna», sezimder men oılardyń tutastyǵyna qaraı umtyldy. Adamnyń adammen, adamnyń tabıǵatpen úılesimi osynyń formýlasy bolýy tıis edi. Qytaılyqtar adamdy tabıǵat jaratady, tabıǵatqa baǵynady, tabıǵatta ómir súredi, sóıtip, sol jer qoınyna túsip, joǵalady dep eseptedi. Bul dúnıetanymdyq postýlat sýretshilerdiń shyǵarmashylyǵyna negiz boldy, – deıdi kórme jetekshisi Marııa Kopelıovıch.


ALMATY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar