Jańa tehnologııa sal bolyp qalǵan adamdarǵa kompıýterler men smartfondardy qoldanýǵa múmkindik beredi.
Innovasııanyń negizi boıynsha qalyńdyǵy nebári 4-6 mkm bolatyn jipter ıneniń kómegimen basqa engiziledi. Ol arqyly mıdaǵy aqparattardy oqýǵa bolady.
Mundaı jiptermen jumys isteý qıyn bolǵandyqtan Neuralink neırohırýrgııalyq robot jasaýǵa májbúr boldy. Ol avtomatty rejımde mınýtyna 192 elektrodpen 6 jipke deıin qysa alady. Onyń basty artyqshylyǵy – mıdyń qabyný reaksııalaryn azaıtýǵa yqpal etedi.
Sondaı-aq Neuralink jipterdiń kómegimen aqparat alý úshin arnaıy chıp shyǵardy. Qazir ol USB-C arqyly kompıýtermen aqparat almasa alady. Kompanııa endigi kezekte symsyz jumys isteıtin nusqany qarastyryp jatyr. Bul jaǵdaıda júıeni smartfonmen basqarýǵa bolady.
Dál qazir bul eksperıment tek egeýquıryqtarǵa júrgizildi. Olarǵa 1500-ge jýyq elektrod sátti engizildi. Nátıjesinde Neuralink júıesimen aqparat almasý jyldamdyǵy naryqtaǵy analogtardyń jyldamdyǵynan 10 ese asyp tústi.
Mundaı esperıment adamdarǵa 2020 jyldyń ekinshi jarty jyldyǵynda jasalady dep kútilýde. Ǵalymdar ol ýaqytta jipterdi lazerdiń kómegimen engizbekshi. Aıtýlarynsha, ol kezde qazirgideı bas súıegin tespeıtin bolady.
