Prezıdent eń aldymen eldi ındýstrııalandyrý máselesine kóńil bóldi. Indýstrııalandyrý jyldary elde 1250 kásiporyn ashylyp, 120 myńnan astam adam jumys ornyn tapty. Bul saladaǵy bıik beles edi. Qaıta óńdeý sektorynyń úlesi kóbeıdi. Qostanaıda da qaıta óńdeý kásiporyndary ashyldy. Mysaly, osy jyldyń birinshi jartysynda oblys ekonomıkasynyń negizgi salalaryn damytýda jaqsy nátıjeler bar. О́nerkásip óndirisiniń naqty kólem ındeksi 112,3 paıyzǵa, negizgi kapıtalǵa salynǵan ınvestısııalar kólemi 117,5 paıyzǵa artqan. О́ńdeý ónerkásibiniń kásiporyndary mashına jasaý óndirisin 64,9, metallýrgııany 25,4, daıyn metall buıymdaryn óndirýdi 17,1, jeńil ónerkásipti 8,7, sýsyndar shyǵarýdy 7,7 paıyzǵa ulǵaıtý esebinen 18,5 ósimdi qamtamasyz etkenin bilip otyrmyz.
Oblysqa ınvestısııa tartý isi jaqsardy. Qostanaı qalasynda ındýstrııalyq aımaq salyndy. Biraq Prezıdent Qazaqstandaǵy ekonomıkalyq salalardyń syrtqy jáne ishki básekege tótep berýi tómen ekenin beker aıtyp otyrǵan joq. Qostanaıda mashına qurastyrý zaýyttary bar, bir emes ekeý. Onda koreıalyq Ssang Yong, japondyq Toyoto brendteri qurastyryldy. Biraq kóp uzamaı olardyń óndirilýi toqtady. О́zgeniń óndirisin ózimizge ákelmes buryn ony óndirýdiń tıimdiligin barynsha esepteý kerek edi. Bizde óndiriske halyqtyq baqylaý joq. О́ndiriske bólinetin bıýdjet qarjysy tıimdi jumsala ma? Ol shaǵyn jáne orta bıznesti bastap jatqandarǵa beriletin granttaı bir-eki mıllıon teńge emes qoı, aýqymdy qarjy jelge ushqandaı bolmaı ma? Shet eldik brendterdi qurastyrǵanda qazaqstandyq úlesti barynsha kóbeıtpeı bolmaıdy. Al qazaqstandyq tehnıkalardyń óndirilýi bolashaqtyń armany bolyp tur, árıne.
Taǵy bir aıtarym, halyqtyń aýyldan qalaǵa aǵylýy qashan toqtar eken? Qalalar ósýde, al aýylǵa barsań júrek syzdaıdy. Shaǵyn fermerlerdi qalyptastyrý ındýstrııa dárejesinde qolǵa alynsa dep oılaımyn. Sonda aýyl da, aýyl sharýashylyǵy da damıdy. Jumys bar jerden eshkim de ketpeıdi.
Sergeı BOGATYREV,
oblystyq medıatorlar qaýymdastyǵynyń prezıdenti
QOSTANAI
