Aımaqtar • 19 Shilde, 2019

Jumys isteý tásilderin ózgertken jón

151 ret kórsetildi

Úkimettiń keńeıtilgen otyrysynda Prezıdent elimizdiń áleýmettik-eko­no­mıkalyq damýynyń aǵymdaǵy jarty­jyldyqtaǵy qorytyndylaryna toqtalyp, atqarylatyn mańyzdy máselelerdi kóterdi. Isker, dıploma-tııalyq jaǵdaıda ótken otyrysta bes mınıstrdiń esebi tyńdaldy, sonymen qatar tótenshe jaǵdaılar oryn alǵan Arys, Teńiz sııaqty aımaqtarǵa baılanysty ákimderdiń esebi tyńdaldy.

Prezıdent birinshi kezekte jumys oryndarymen qamtamasyz etýge Úkimettiń kóńil bólý qajettigin atap ótti. Iаǵnı, turaqty jumys oryndarynyń qurylýy – eldegi turaqtylyqtyń kepili. Prezıdent sonymen qatar ókiletti organdarǵa bıýdjettiń áleýmettik basymdyqtaryna qatysty naqty tapsyrma berdi. Bıýdjettiń ımıdjdik jobalarǵa emes, nátıjeli isterge baǵyttalýy qajetttigine mán berýdi, sondaı-aq Esep komıteti men Úkimetke bıýdjet qorlaryn tıimdi paıdalanýǵa baılanysty jaýapkershilikti arttyrý jaǵyn tapsyrdy. Kvazısektor qyzmetindegi áleýmettik-ekonomıkalyq aspektilerdi baqylaý boıynsha jumystar óz aldyna. «QazAgro»-nyń osy jartyjyldyqtaǵy shyǵynyn eskeretin bolsaq, osyndaı soraqylyqtardyń saldarynan eldegi áleý­mettik saıasattyń tıimdi júzege asýy múm­kin bolmaı otyr. Prezıdenttiń memle­kettik qyzmetkerlerdiń jaýapkershiligine qa­tysty máseleni kóterýi olardyń jumy­syna baqylaýdyń kúsheıgenin kórsetedi. My­saly, Arysqa qatysty naqty qandaı jumys­tardyń atqarylǵanyna qatysty sarap­tama jasalyp, 10 tamyzǵa deıin daıyn bo­lýy tıis. Ári tótenshe jaǵdaılarǵa baı­lanysty jaýaptylar jazalanatyn bolady.

Prezıdent qatysqan Úkimet otyrysynan keıin barlyq tıisti organdar basshylary jumys isteý tásilderin ózgertip, isterine jaýapkershilikti sezinetin jaǵdaı qalyptasýy tıis.

Iýrıı BÝLÝKTAEV,

Prezıdent janyndaǵy QSZI bas ǵylymı qyzmetkeri

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar