Aımaqtar • 19 Shilde, 2019

«Járdem» jobasynyń járdemi

157 retkórsetildi

20 áıel «Járdem» jobasymen tiginshilik kýrsynan ótti. Olardyń arasynda kóp balaly analar, ómirdiń qıyn jaǵdaıyna tap bolǵan balalarmen otyrǵan nemese túrli jaıtqa oraı úıden shyǵa almaıtyn áıelder bar. Sharany Nur Otan partııasy janyndaǵy Balalar quqyǵyn qorǵaý jónindegi respýblıkalyq keńes Tuńǵysh Prezıdent – Elbasy qory men «Iýtarııa» tigin fabrıkasynyń qoldaýymen uıymdastyrdy.

«Iýtarııa» tigin fabrıka­sy­nyń bazasynda tigin sheber­ligin úırenip, oqý aıaǵynda kásip úırenýshilerge sheber sertıfıkatymen qosa jumys bastaý úshin tigin mashınasy saltanatty túrde tabys etil­di. Jıynda sóz alǵan Nur Otan partııasynyń hatshysy Álibek Áldeneı qazaq qo­ǵa­mynda analardyń alar orny erekshe ekenin atap ótti. «Tarıhty paraqtasaq, nebir syndarly jyldarda boıy názik bolǵanymen, jany qaısar qaýymnyń arqasyn­da óz bolmysymyzdy saq­tap qaldyq. Bul sózimdi belgili demograf-ǵalym Maqash Tátimov aǵamyzdyń Ekinshi dúnıejúzilik soǵystan keıin­gi halyqtyń qaıta eńsesin kóterýine áıelderdiń qosqan úlesi týraly aıtqan tushym­dy derekteri dálel bola alady. Sol erik-jigeri myqty analarymyzdyń jalǵasy – sizdersizder», deı kele, osy sátti paıdalanyp bir belesti baǵyndyryp otyrǵan názik jandarǵa alǵys aıtty.

«Iýtarııa» tigin fabrıkasy bas dırektorynyń oryn­basary Dınara Zakıeva qo­sym­sha bilim alǵandardyń ár­qaı­sysy endi úıde otyryp-aq tabys tabýǵa daıyn, óziniń je­ke tigin quraly bar maman bo­lyp shyqqanyn jetkiz­di. Olar­dyń basym bóligi­ne atal­ǵan fabrıkada jumys isteýge usynys ta túsken kórinedi.

«Járdem» baǵdarlamasy jal­py respýblıkalyq deń­geıde júzege asýda. Atalǵan jobada 1500-3000 adam­ǵa qo­symsha bilim berý kózdelgen. «Al biz oqytý kýrsymyzdy Qazaq­stan áıelder qaýym­das­ty­ǵymen birlesip qolǵa aldyq. Bul joly bizde elordalyq 20 adam oqydy. Jyl aıaǵyna de­ıin olardyń sanyn 600-ge jet­kizýdi josparlap otyrmyz. Olar az ǵana ýaqyttyń ishinde ónimdi ózderi óndire alatyndaı dárejede meńgerdi. Biri beldemshe, endi biri kóılek nemese shalbar tige alady. Budan keıingi ózin-ózi damytýy úı­renýshilerdiń maqsaty men tabandylyǵyna baılanysty», deıdi D.Zakıeva. Fabrıka ókiliniń málimdeýinshe, oqý kýrsynan ótkenderge sońǵy kúni «Atameken» kásipker­ler palatasynyń ókilderin shaqyryp, qalaı kásip bastaýǵa bolatyny týraly bazalyq bilim berilgen.

Tigin kýrsyn bitirgen kóp ba­laly ana Indıra Abaı­qy­zy óz kásibin dóńgeletýge da­­ıyn ekenin aıtady. «Bul joba jóninde partııa­dan es­tip keldim. Negizi ti­gin tigýdi bil­meı­tinmin, en­di úı­rendim. Árıne, eki ap­ta­­lyq oqý jet­kiliksiz, son­dyq­tan Ju­myspen qamtý orta­ly­ǵy­nyń qosymsha mamandyq bere­tin tigin kýrsynan ótýdi bas­tap kettim. Onda endi osy fab­rıkadan alǵan bilimimdi jetil­dirip, kıimdi tolyǵymen, qa­laı sándi etip tigýge bolaty­nyn úırenemin», deıdi bola­shaǵyna senimdi ana. Onyń aıtýynsha, «Járdem» bergen tigin mashınasy – bızneske bas­taý bolary anyq.

Aıta keteıik, atalǵan baǵ­dar­lama nıettilerdiń óti­ni­shine sáıkes barlyq oblys­tar­da júzege asyrylyp jatyr.


Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar