Memlekettiń az qamtylǵan otbasylarǵa, múgedekterge, jumyssyzdarǵa jasap otyrǵan qoldaýy elimizde myńdaǵan otbasylardyń áleýmettik ahýalyna dem bergeni ras.
Meniń otbasymnyń asyraýshysy bolmaǵandyqtan, kámelettik jasqa tolmaǵan tórt balamen qınalǵan kezderim bolmaı qalǵan joq. Qazirgi tańda memleket tarapynan qarastyrylǵan ataýly áleýmettik kómekke qol jetkizdim, Mańǵystaý aýdandyq jumyspen qamtý ortalyǵy arqyly aqyly qoǵamdyq jumyspen qamtyldym. Munyń bári meniń otbasymnyń, bala-shaǵamnyń qarjylyq, turmystyq deńgeıine oń áser etti. Tek men ǵana emes, aýylymyzda memlekettik «Qoljetimdi baspana» baǵdarlamasy boıynsha tórt otbasy zańǵa saı kezegimen turǵyn úıge qol jetkizse, jeti otbasy ataýly áleýmettik kómekpen qamtyldy. Munyń barlyǵy memleketimizdiń halyqtyń jaǵdaıyn nazardan tys qaldyrmaǵanynyń jemisi.
Q.Toqaevtyń jańa jumys oryndaryn ashý, múgedekterge qoldaý kórsetý, turǵyn úı máselesin sheshý, bilim berý men densaýlyq saqtaý salasyn nyǵaıtý baǵytyndaǵy tapsyrmalary halyq ıgiligine qyzmet etedi dep kútemiz.
Sonymen qatar ataýly áleýmettik kómekke qol jetkizý úshin el arasynda oryn alǵan ádeıi ajyrasý, múlkin ózgeniń atyna aýdarý syndy qıturqy áreketterdiń oryn alýy uıat jaǵdaı. Memlekettiń qoldaýyn qabyl alyp, jaqsy bastamalarǵa halyq óz tarapynan da qoldaý kórsetse deımin.
Balkenje IBANAEVA,
Ushtaǵan aýylynyń turǵyny
Mańǵystaý oblysy
