18 shildede Qazaqstan Respýblıkasy Aqparat jáne qoǵamdyq damý mınıstri Dáýren Abaev AQSh-tyń Memlekettik hatshysy Maıkl Pompeonyń bastamasymen shaqyrylǵan Dinı senim bostandyǵyn ilgeriletý jónindegi ekinshi mınıstrlik konferensııanyń jumysyna qatysty.
Is-sharaǵa álemniń 115 elinen kelgen syrtqy saıası vedomstvo basshylary, sondaı-aq 1000-nan astam dinı kóshbasshylar men azamattyq belsendiler qatysty. Bul forým qatysýshylar sany men quramy boıynsha eń kóp ókildikterimen erekshelendi.
QR Aqparat jáne qoǵamdyq damý mınıstri Dáýren Abaev óz sózinde Qasym-Jomart Toqaev bastaǵan eldiń jańa basshylyǵy Qazaqstannyń dinı senim bostandyǵyn jáne adamnyń irgeli quqyqtaryn qamtamasyz etý qaǵıdattaryn ustanatynyn málimdedi. Mınıstrdiń aıtýynsha, Qazaqstannyń Úkimeti dinı birlestikterdiń qyzmeti jáne konfessııaaralyq dıalogty nyǵaıtý úshin qajetti jaǵdaılardy jasaý jónindegi jumysty odan ári jalǵastyrýǵa nıetti.
Dáýren Abaev Konferensııaǵa qatysýshylardy konfessııaaralyq dıalogty ilgeriletý jáne ártúrli konfessııa ustanýshylarynyń arasynda ózara túsinisýge kómektesý jónindegi kelisilgen sheshimderdi talqylaý úshin biregeı alańǵa aınalǵan Álemdik jáne dástúrli dinder kóshbasshylarynyń sezderin ótkizýdegi Qazaqstan tájirıbesi týraly habardar etti.
Mınıstr sondaı-aq Qazaqstannyń ekstremızm men terrorızmge qarsy is-qımyl, sonyń ishinde QR azamattaryn Sırııadaǵy jaýyngerlik is-qımyl aımaqtarynan repatrıasııalaý jáne olardyń qazaqstandyq qoǵamǵa kirigýi jónindegi kúsh-jigeri týraly aıtyp berdi. Ol bizdiń elimizdiń osy saladaǵy bilimi men tájirıbesimen bólisýge daıyn ekenin aıtty.
О́z sóziniń sońynda mınıstr Qazaqstannyń adam quqyqtaryn qorǵaý jáne álemdegi dinı erkindikti qamtamasyz etý úshin yntymaqtastyqqa árqashan ashyq ekenin atap ótti.
Konferensııa sheńberinde Dáýren Abaev AQSh Elshiliginiń halyqaralyq dinı bostandyqtary boıynsha arnaıy tapsyrmalar jónindegi Elshi S.Braýnbekpen jáne AQSh Memlekettik hatshysynyń Demokratııa, adam quqyqtary jáne eńbek máseleleri boıynsha kómekshisiniń orynbasary M.Kellehermen kelissózder júrgizdi. Taraptar konfessııaaralyq kelisim, ekstremızmge qarsy turý jáne azamattyq qoǵamdy damytý salasyndaǵy ekijaqty yntymaqtastyq máselelerin talqylady. Gýmanıtarlyq kún tártibindegi osy jáne basqa da máseleler boıynsha ózara tıimdi yntymaqtastyqty jalǵastyrý týraly ýaǵdalastyqqa qol jetkizildi.
