«Bul joba Nur-Sultan qalasynda júzege asyrylýda. Sertıfıkat azamattardyń telefondaryndaǵy jeke málimetterdi saqtaýǵa múmkindik beredi. О́zderińiz bilesizder, ınternettiń damýymen qatar, kıberlik quqyq buzýshylyqtar da jańa deńgeıge shyǵyp otyr. Osy oraıda, jeke kompıýterden, telefonnan jeke derekterdi urlaý jaǵdaılary oryn alady», dedi vıse-mınıstr Úkimet úıinde ótken baspasóz máslıhatynda.
Onyń sózine qaraǵanda, zańnama aıasynda sertıfıkat boıynsha norma 2015 jyly qabyldandy. Onda ınternetke shyǵý múmkindigin beretin provaıderler qurylǵy ıelerine qaýipsizdiktiń tehnıkalyq sertıfıkatyn ornatý jaǵdaıyn usynýy tıis.
«Búginde olar bul normany iske asyryp jatyr. Ony ár adam óz erki boıynsha ornatady. Máselen, maǵan bul sertıfıkat boıynsha SMS kelmedi. Al kelgen boıda ony ózime jáne balalarymnyń qurylǵylaryna ornatamyn. Qaýipsizdik sertıfıkaty arqyly balalar qaýipti resýrstarǵa óte almaıdy, sáıkesinshe, jeke málimetterdi qorǵaýǵa múmkindik jasalady», dep túsindirdi A. Ospanov.
Operatorlar atalmysh silteme eldegi barlyq abonentterge taratylyp jatqanyn aıtady. Iаǵnı, ázirge ondaı SMS almaǵan adamdardyń alańdaýyna sebep joq. Silteme kelgen sátti kútip, ornatýǵa daıyn bolýy kerek. Mamandardyń aıtýynsha, abonenttiń hakerlik shabýylǵa ushyraýy úshin kúmándi siltemege ótýi mindetti emes. Iаǵnı qaýipsizdik júıesiniń sertıfıkaty bolmaǵan jaǵdaıda ınternet arqyly paıdalanatyn kóptegen qyzmetterge kiretin qupııa sózder men kodtardy urlaý ońaı. Qaýipsizdik júıesiniń sertıfıkatyn ornatý osy úshin qajet.
