Sonymen qatar 100-den astam jobalar belsendi júzege asyrylǵan bolsa, aǵymdaǵy jyldyń osy merzimine deıin 6 joba ázirlengen. 37 joba taýar óndirý, qyzmet kórsetý maqsatynda jumys isteı bastaǵan. Bul jobalardan túsken tabys kólemi 1 mıllıard teńgege jýyqtaıdy. Al «Jinalike» (Jınalaıyq) IT tehnologııalar boıynsha alǵashqy joba. Joba qyzmeti izdestirý jumystaryn jedel atqaratyndyqtan, ýaqyt únemdeý, qyzmet sapasyn arttyra túsýge múmkindik beredi.
Jobanyń maqsaty jáne atqaratyn mindetimen tanystyrǵan «Flow System» JShS dırektory Danııar Ilıevtiń aıtýynsha, IT mamandar eki jyl ishinde daıyndyq jumystaryn jasap, qoddanysqa engen kúnnen bergi bes aı merzimde 65 mln teńge shamasynda tabys tapqan.
«Q-conference kóptegen iskerlik sharalarǵa arnalǵan zaldar, kovorkıngter men hostelderdi izdeý jáne brondaýǵa arnalǵan platforma retinde tanylǵan alań. «Ǵylym qorynan» 300 mıllıon teńge kóleminde grant alyp, marketıngtik baǵyttaǵy, sondaı-aq jańa jobanyń damý baǵytyndaǵy is-sharalar atqarylǵan. Zamanaýı platforma iskerlik salasy ókilderine eń qolaıly alań» dep atap ótti Danııar Ilıev.
Uıaly telefon arqyly bıznes alańdar uıymdastyryp, ýaqyt únemdeýge qolaıly júıe ekendigin kompanııa mamandary keńeıtilgen túrde túsindirip ótti. Brendti qazaqsha «Jinalike» qarapaıym sózi arqyly toptap, sıpaty men maqsatyn bir sóz aıasyna syıdyryp, túsinýge yńǵaıly etip jasaýǵa tyrystyq, deıdi joba uıymdastyrýshylary.
