Aımaqtar • 20 Shilde, 2019

Arys: Qorǵanys mınıstri arnaıy komıssııanyń jumysymen tanysty

176 ret kórsetildi

Nurlan Ermekbaev Arystaǵy jaǵdaı týraly jaýapty adamdardyń baıandamasyn tyńdady. Bul týraly Qorǵanys mınıstrliginiń baspasóz qyzmeti habarlady.

Arys qalasyndaǵy otyrysta qalaǵa irgeles aýmaqtyń tazartylý barysy,  áskerı bólimniń kóshirilýi, onyń ishinde, qarý-jaraqty, oq-dáriler men múlikti shyǵarýdy uıymdastyrý, sondaı-aq áskerı qalashyqtyń ınfraqurylymyn qalpyna keltirý máseleleri qaraldy. 

Arsenal men oǵan irgeles jatqan aýmaqty tekserý barysynda áskerı vedomstvo basshysy qazirgi ýaqytta tótenshe jaǵdaıdyń sebepterin anyqtap jatqan arnaıy komıssııa jumysynyń aldyn ala nátıjelerimen tanysty.  Nátıjeleri boıynsha tótenshe jaǵdaıdyń saldaryn joıý, áskerı bólimdi kóshirý, azamattyq adamdardyń qaýipsizdigin qamtamasyz etý jáne áskerı qalashyqty shuǵyl  qalpyna keltirý jónindegi qajetti sharalardy sapaly jáne jedel uıymdastyrýǵa qatysty tapsyrmalar berildi.  

Jınalystan keıin general-maıor Nurlan Ermekbaev jaýyngerlik ázirlikti, qarý-jaraq pen áskerı tehnıkany, bólimshelerde jaýyngerlik kezekshiliktiń uıymdastyrylýyn, sondaı-aq Shymkent garnızonynyń birqatar áskerı bólimderinde oqý-materıaldyq bazanyń jaı-kúıin tekserdi. Jaýyngerlik mashınalar parkinde áýe shabýylyna qarsy qorǵanys brıgadasynyń jaraqtandyrýynda turǵan áskerı tehnıkanyń saqtalý sharttarymen tanysty. 

Zymyran-artıllerııalyq qarý-jaraq qoımasynda atys qarýy men onyń oq-dárileriniń saqtalý sharttary men tártibin tekserdi. Odan basqa, janar-jaǵarmaı materıaldary men avıasııalyq joıý quraldarynyń qoımalaryn tekserdi. 

Sondaı-aq Qorǵanys mınıstrine aǵymdaǵy jaǵdaı, oq-dárilerdiń saqtalý tártibi men sharttary, qarý-jaraq, áskerı jáne avıasııalyq tehnıkanyń jabdyqtalýy men jaı-kúıi jáne ınfraqurylym nysandary men tehnıkalyq aımaqty odan ári damytý jónindegi problemalyq máseleler týraly baıandaldy. 

Garnızondaǵy jumys qorytyndysy boıynsha áskerı bólimderdiń komandırlerine nysandardaǵy qaýipsizdik deńgeıin arttyrý, áskerı qyzmetshilerdiń órtke qarsy jáne dıversııaǵa qarsy qaýipsizdiginiń talaptaryn múltiksiz oryndaýy jáne kemshilikterdi joıý boıynsha naqty tapsyrmalar berdi.  


Materıal vzıat s saıta: Mınısterstva oborony Respýblıkı Kazahstan
Sońǵy jańalyqtar

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Qyzylordada eki kúnde 36 adam ustaldy

Aımaqtar • 07 Tamyz, 2020

Uqsas jańalyqtar