Qazaqstan • 21 Shilde, 2019

Elbasy metallýrgııa salasynyń eńbekkerlerin kásibı merekesimen quttyqtady

493 ret kórsetildi

Qazaqstannyń Tuńǵysh Prezıdenti – Elbasy Nursultan Nazarbaev metallýrgııa salasynyń eńbekkerleri men ardagerlerin Metallýrg kúnimen quttyqtady. Bul týraly Elbasy.kz habarlady.

«Sizderdi kásibı merekelerińiz – Metallýrg kúnimen quttyqtaımyn!

Bul meıram sizderge degen qurmettiń jáne eren eńbekterińizdi moıyndaýdyń sımvoly sanalady. 

Kezinde maǵan mańyzdy ómirlik tájirıbe bergen, qaıratymdy shyńdaǵan jáne senimdi dostar tabýǵa septigin tıgizgen metallýrg kásibin tańdaǵanymdy maqtan etemin. 

Búginde elimizdiń kásiporyndarynda joǵary bilikti myńdaǵan metallýrg – eńbekqor, jaýapkershiligi joǵary jáne myqty azamattar jumys isteýde. Solardyń óz isine adaldyǵy men sheberliginiń arqasynda búkil elimizdiń ekonomıkalyq ósiminiń berik negizin qalyptastyra aldyq.

Qazaqstandaǵy metallýrgııa salasy damýdyń ınnovasııalyq jolyna túsip, óndiristik ujymdarymyzǵa bolashaqqa nyq senimmen qaraýǵa múmkindik beredi.

Sizder aldaǵy ýaqytta da táýelsiz Qazaqstannyń ıgiligi úshin jańa kásibı jetistikterge umtylyp, adal eńbek etetinderińizge senemin.

Barshańyzǵa zor densaýlyq, sarqylmas kúsh-qýat, týǵan-týysqandaryńyzǵa baq-bereke tileımin!» delingen Elbasynyń quttyqtaýynda.
Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar