Aımaqtar • 21 Shilde, 2019

B.Saǵyntaev Almaty taý bókterindegi selden qorǵaý is-sharalarynyń barysymen tanysty

380 ret

kórsetildi

1 mın

oqý úshin

Taý etegine jasaǵan jumys sapary kezinde shahar basshysy Baqytjan Saǵyntaev Dýlatı kóshesi boıyndaǵy jol men saıabaqtyń jóndeý jumystaryn pysyqtap, Ile-Alataý memlekettik ulttyq tabıǵı parkine kirý úshin avtomattandyrylǵan tólem júıesin kórip qaıtty. Atalǵan júıe kóleńkeli qolma-qol aqsha aýdarymdaryna tosqaýyl bolyp, baqylaý-ótkizý pýnktindegi (BО́P) qyzmetkerler sanyn azaıtýdy kózdeıdi. Avtomattandyrylǵan BО́P mobıldi qosymsha arqyly tólem júrgizýge bolady. Sonymen qatar, aldyn-ala brondaýǵa da múmkindik bar. Týrısterge «Ońaı» kartasyn da paıdalanýǵa bolady. Bul týraly qala ákimdiginiń baspasóz qyzmeti habarlady.

Egemen Qazaqstan

B.Saǵyntaev Almaty taý bókterindegi selden qorǵaý is-sharalarynyń barysymen tanysty

Qala ákimi taý ózenderi men kólderdegi jaǵdaılarǵa erekshe nazar aýdardy. Sondaı-aq Aqsaı jáne Aıýsaı shatqaldarynda selden qorǵaý bógetteriniń qurylys josparymen jáne qoldanystaǵy bógetterdi jóndeý jobalarymen tanysty.

Megapolıs basshysy B.Saǵyntaev Ishki ister mınıstriniń orynbasary Iý.Ilın, Almaty qalalyq TJD bastyǵy S.Áýbákirov jáne «Qazseldenqorǵaý» memlekettik mekemesi basshysynyń orynbasary M.Qasenovpen birge muzdaq kólderdi aralap shyqty. Jumys sapary kezinde selden qorǵaý sharalary men muzdaq kólderdi bosatý boıynsha birqatar jumystar tekserildi.

Almaty qalalyq TJD mamandary Kishi jáne Úlken Almaty, Qarǵaly men Aqsaı ózenderi basseınderindegi sel qaýpiniń avtomattandyrylǵan monıtorıngtik baǵdarlamasynyń júzege asyrylýy jaıynda baıandap berdi. Bıyl sel oshaqtaryn, ózen arnalary men morenalyq kólderdi, bógetter men sý qoımalaryn baǵdarlamalyq júıemen qamtamasyz etetin 10 stansa boı kóteredi. Kelesi jyly 21 stansa salynady.