Aldaǵy kezdesýde kepilger elder, ıaǵnı Iran, Reseı jáne Túrkııa, sondaı-aq Sırııanyń úkimeti men qarýly oppozısııasy ókilderiniń qatysýy josparlanýda. Baqylaýshylar retinde BUU men Iordanııanyń jáne Sırııadaǵy daǵdarysty retteý jónindegi Astana prosesine alǵashqy ret qatysatyn Iraq pen Lıvannyń joǵary deńgeıindegi ókilderi sırııaaralyq kelissózderge septigin tıgizedi.
Kezdesý Sırııadaǵy, ásirese Idlıb provınsııasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaıtýǵa jáne saıası prosesti odan ári ilgeriletýge, Sırııa boıynsha konstıtýsııalyq komıtetti qurý jáne iske qosý boıynsha jumysty aıaqtaýǵa basa nazar aýdarady.
1 tamyzda ekijaqty jáne kópjaqty, sonyń ishinde Sırııanyń úkimeti men qarýly oppozısııasy ókilderiniń qatysýymen, aldyn-ala konsýltasııalardyń ótkizilýi josparlanýda, al jalpy otyrys 2 tamyzda ótedi.
