Rýhanııat • 22 Shilde, 2019

Grafık sýretshiniń týyndysy Gınnestiń rekordtar kitabyna usynyldy

107 ret kórsetildi

Kıprdiń Irfan Gıýnsel ortalyq kongress zalynda ótken halyqaralyq kórmede qazaq sýretshisi Batýhan Baımenniń kartınasy ónersúıer qaýymnyń joǵary baǵasyna ıe boldy. Tipti mamandar tutas ulttyń tarıhynan syr shertetin grafıkalyq týyndyny Gınnestiń rekordtar kitabyna usynýdy laıyq kóripti.

Túrki elderiniń qazirgi zaman­ǵy qylqalam ónerin damytý aıasynda uıymdastyrylǵan kórmege Qazaqstannan 50 sýret­shi qatysqan. Solardyń qata­rynda Shymkent qalasynyń týmasy Batýhan Baı­men jurt­shylyq nazaryna 60-tan astam lınogravıýralyq týyn­dysyn usynǵan. Kórme qor­tyndysynda eli­mizden barǵan delegasııa ishinen Batýhan Baımen bastaǵan eki sýretshige Kıprdiń memleket­tik deńgeıdegi «Kúmis kilt» syılyǵy tabystaldy. 

Onyń grafıkalyq týyndylaryn óz óner keńistiginde kórýge qyzyǵýshylyq tanytqan shetel­dikter shymkenttik sheberdi eld­e­­rine qonaqqa shaqyrypty.

Toqsanynshy jyldardyń basyndaǵy qıyn kezde elimizdegi kóptegen grafıkter beıneleý óneriniń bas­qa salasyna aýysyp ketti. Alaı­da Batýhan Baımen qazaq gra­fıkalyq óneriniń otyn óshir­meı, búginge alyp keldi. Bul retki halyqaralyq kórmede sý­retshi tarıhı, saıası jáne epos­­­­tyq ta­qyryptar qamtylǵan shy­ǵar­ma­lardy usynǵan. Qyl­qalam ar­qyly túbi bir túr­kiniń tamyrlas ekendigin jet­kizgen. 

«О́ner maıtalmanynyń qo­lynan shyqqan bıiktigi 1,5, eni 3 metrlik mazmuny baı týyndy Kıprge jınalǵan kórermenniń kózaıymyna aınaldy. Bul grafıka salasynda elimizde ǵana emes, álemdegi aıtýly jańalyq», deıdi áriptesteri.

О́nertanýshylardyń myń­daǵan kartınalar ishinen Qaza­­qııanyń keńdigi men batyr ul­da­rynyń erligi bederlengen grafıkalyq týyndy­lardy Gın­nestiń rekordtar kitabyna usynýynyń ózi qazaq halqyna degen qurmettiń belgisi bol­maq. 
 
Shymkent
Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar