Bir úıdiń tórt balasy jaqyn mańaıdaǵy ormanǵa barǵan. Shamasy olar asa ýly ósimdik sanalatyn qasqyr jıdegin jep qoıǵan tárizdi.
Úılerine kelgennen keıin bastary aınalyp ózderin jaısyz sezingen. Júrekteri aınyp, loqsyǵan. Analary eshnárseden kúdiktenbegen. Tek bes jastaǵy sábı uıyqtaǵan kúıi oıanbaǵannan keıin ǵana dabyl qaqqan. Úsh bala sanavıasııamen oblystyq balalar aýrýhanasyna jetkizilgen
«11 jáne 8 jasar jetkinshekter men 8 aılyq náreste aýrýhanaǵa jatqyzyldy. Balalar belgisiz jıdekti jegenderin aıtty. Kelip túsken kezde úsheýiniń de júregi aınyp, loqsydy, ishi ótti. Balalardyń jaǵdaıy óte aýyr bolatyn. Em-dom dezıntoksıkasııalyq terapııaǵa baǵyttaldy. Kelesi kúni balalar táýirlenip, nefrologııa bólimine aýystyryldy. Qazir jaǵdaıy birqalypty, aýrýhanadan shyqty», deıdi oblystyq balalar aýrýhanasynyń anestezıolog dárigeri Ekaterına Jıvnodeı.
Soltústik Qazaqstan oblysy
