Aımaqtar • 23 Shilde, 2019

Shekaradan 26 maımyl, 4 mln teńge alyp ótpek bolǵandar ustaldy

304 retkórsetildi

О́tken demalys kúnderi shekarashylar Memlekettik shekaradan ártúrli mólsherde esirtki alyp ótpek bolǵan, shekaralyq aýmaqta zańsyz dárilik ósimdik tamyrlaryn jınaǵan, 26 maımyl, 4 mıllıon teńgege jýyq kedendestirilmegen qarajat alyp ótpek bolǵan ártúrli memleketter azamattaryn ustady. Bul týraly UQK Shekara qyzmetiniń baspasóz qyzmeti habarlady.

Anyqtaı keter bolsaq, senbi túni, saǵat 2-ler shamasynda Taraz shekara otrıadynyń «Aqsýat» zastavasynyń aýmaǵynda shekara narıady keptirilgen ósimdik tekti zat toltyrylǵan 3 qapty Memlekettik shekaradan bergi betke ótkizbek bolyp árekettenip jatqan adamnyń ústinen tústi. Ustalǵan adam (ózimen birge eshqandaı qujattary joq) ózin 1983 jyly týǵan Qyrǵyz azamatymyn dep tanystyrdy. Oǵan shekara buzýǵa kómektesken adam bolýy múmkin degen kúdikpen kórshiles eldiń shekarashylary bolǵan oqıǵa týraly habarlandy. Jasalǵan saraptama qorytyndysy qaptarǵa toltyrylǵan ósimdik tekti zattyń, salmaǵy 10 kg 400 gramm «marıhýana» esirtkisi ekendigin rastady. Ustalǵan azamat Jýaly aýdandyq polısııa bólimine tapsyryldy.

Petropavl shekara otrıadynyń «Bıdaıyq-avto» bólimshesinde shekara narıady bizdiń elden Reseıge qaraı jekemenshik «Toıota» avtokóligimen ótpek bolǵan 36 jastaǵy reseılikti ustady. Shekarashylar qyzmettik ıttiń kómegimen onyń avtokóliginiń róliniń astynan, qaltashaǵa salynǵan surǵylt-jasyl tústi, ózindik ıisi bar, salmaǵy mólshermen 5 grammdaı bolatyn ósimdik tekti zat taýyp aldy. Tabylǵan zat «gashısh» esirtkisi bolýy múmkin degen kúdikpen ıesimen birge Ýálıhanov aýdandyq polısııa bólimine tapsyryldy.

Qordaı shekara otrıadynyń «Qordaı-avto» bólimshesinde shekarashylar ótken túnde Qyrǵyz Respýblıkasynan bizdik elge qaraı ótpek bolǵan 48 jáne 20 jastaǵy eki eki qazaqstandyqtyń birinshisiniń aıaq kıiminiń ishinen 2 grammdaı «gashısh», ekinshisiniń jeke zattarynyń arasynan dál osyndaı mólsherde «marıhýana» esirtkisin taýyp, Qordaı aýdandyq polısııa bólimine tapsyrdy.

Jarkent shekara otrıadynyń shekarashylary ótken túnde, saǵat 00 shamasynda Tekeli taýlarynyń shatqaldarynyń birinde 35 jastaǵy qazaqstandyqty ustady. Onyń sómkesinen salmaǵy 8 kg-ǵa jýyq «pııaý» ósimdiginiń tamyrlary tabyldy. Ustalǵan azamat QR Qylmys Kodeksiniń 339 babyna sáıkes jaýapqa tartylýy múmkin. Ázirshe Tekeli qalasyndaǵy Eskeldi aýdandyq polısııa bólimine tapsyryldy.

Aqtóbe shekara otrıadynyń «Jaısań-avto» bólimshesinde Qazaqstannan Reseıge qaraı ketip bara jatqan 41 jastaǵy reseıliktiń ÝAZ «Patrıot» jekemenshik avtokóliginen shekarashylar 8 qapqa salynǵan 26 tiri maımyl (makakalar) taýyp aldy. Maımyldar shekaradan ótkizýge quqyq beretin eshqandaı qujattary bolmaǵandyqtan Mártók aýdandyq veterınarlyq ınspeksııa qyzmetkerlerine tapsyryldy.

Beıneý shekara otrıadynyń «Beıneý-temirjol» bólimshesinde «Núkús – Beıneý» baǵytyndaǵy № 647 poıyzdy tekserý barysynda 50 jastaǵy О́zbekstan azamatynan kedendestirilmegen 3 918 000 teńge tabyldy. «Beıneý» keden beketine tapsyrylatyn bolady.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar